Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ҝүрҹүстандан бир груп инанҹлы Әрбәиндә хидмәт үчүн Ирага сәфәр едиб.
Мәлумата ҝөрә, Ҝүрҹүстанын пајтахты Тбилисидә јерләшән Поничала (Соғанлыг) гәсәбәсиндә фәалијјәт ҝөстәрән Әһли-Бејт (ә) мәсҹидинин хидмәтчи һејәти Әрбәин зәвварларына хидмәт үчүн мүгәддәс торпаглара јола дүшүб.
Гејд олунур ки, һејәт орада зәвварлара еһсан вә хидмәт ҝөстәрмәк мәгсәдилә һәр ил олдуғу кими бу ил дә Әрбәин јүрүшүндә иштирак едәҹәк. Хидмәт мәркәзи Кәрбәла шәһәри јахынлығында, зәвварларын тез-тез истираһәт етдији вә 1053-ҹү дирәкдә јерләшән “Нурул-Һүсејн” хејмәсиндә тәшкил олунаҹаг.
Тәшкилатчылар билдирибләр ки, мәгсәд Әрбәин јүрүшүндә иштирак едән зәвварлара һәм гида, һәм дә диҝәр лоҝистик хидмәтләрлә дәстәк вермәкдир. Сәфәрин тәшкилиндә мадди вә мәнәви дәстәк ҝөстәрән шәхсләрә тәшәккүр едилиб вә бу тәшәббүсүн илбәил ҝенишләнмәси арзуланыб.
Хатырладаг ки, Әрбәин Имам Һүсејнин (ә) шәһадәтинин гырхынҹы ҝүнүнү гејд едән милјонларла зәвварын иштирак етдији ән бөјүк дини јүрүшләрдән биридир. Дүнјанын мүхтәлиф өлкәләриндән минләрлә инсан бу мүнасибәтлә Ирага сәфәр едир.
Sizin rəyiniz