Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: ҺӘМАС һәрәкаты Теһранда бу һәрәкатын кечмиш сијаси бүро рәһбәри шәһид Исмајыл Һәнијәнин шәһадәтинин илдөнүмү мүнасибәтилә вердији бәјанатда билдириб ки, онун гәтлә јетирилмәси мүгавимәт лидерләринин дүшмәнлә мүбаризәнин мәркәзиндә олдуғуну сүбут етди.
ҺӘМАС бу ҝүн јајымладығы бәјанатда Һәнијәнин шәһадәтинин биринҹи илдөнүмү мүнасибәтилә вурғулајыб: "Ишғалчы режимин ҺӘМАС лидерләрини террор етмә сијасәти јалныз бизим Фәләстин халгынын һүгуглары вә тәләбләринә олан садиглијимизи артырыр."
Бәјанатда әлавә едилиб: “Һәнијәнин шәһадәти өтәри бир һадисә дејилди, бу, бир дөнүш нөгтәси иди вә сүбут етди ки, мүгавимәт лидерләри дөјүшүн там мәркәзиндәдирләр. Онлар мүгавимәт јолунда өз өвладларыны гурбан верирләр. Һәнијәнин бир нечә өвлады вә нәвәси дә шәһид олмушду."
ҺӘМАС даһа сонра белә гејд едиб: “Бу бөјүк лидеримизин – Фәләстин вә ојанмыш үммәтин шәһидинин – вәфатынын биринҹи илдөнүмүнү дәрин кәдәр, севҝи, гүрур вә сәдагәтлә јад едирик. Биз һәлә дә онун ‘Али-Имран’, ‘Төвбә’ вә ‘Әнфал’ сурәләрини охујаркән мәлаһәтли сәсини вә онун өлмәз сөзләрини хатырлајырыг: ‘Һеч вахт галалар дағылмајаҹаг, һеч вахт истеһкамлар сарсылмајаҹаг вә мөвгеләримиз биздән алынмајаҹаг. Биз һеч вахт Исраили танымајаҹағыг.’”
Sizin rəyiniz