АБНА24 Хәбәр Верир, сон заманлар мәдә-бағырсаг системи хәстәлијинә ҝөрә хәстәханаја јатырылмыш Ајәтуллаһ Мәһәммәд Јәзди Ислам дини вә Ислам Ингилабы јолунда бир өмүр мүбаризәдән сонра дүнән сәксән доггуз јашында һаггын дәвәтини гәбул етди. Ислам Ингилабынын Бөјүк Рәһбәри Һәзәт Ајәтуллаһулузма Хаменеи бу мүраҹиәтдә белә гејд едибләр: Ингилабын бүтүн дөврләриндә ардыҹыл вә даими иштиракы, һәмчинин мәһкәмә һакимијјәтинә сәдрлик, Неҝәһбан Шурасына, Рәһбәрлик Хобреганы Мәҹлисинә вә Ислам Шурасы Мәҹлисинә үзвлүк кими өлкәнин идарәси үзрә бөјүк мәсулијјәтләрдә чалышмасынын кәнарында тағут дөврүндәки мүбаризәләри вә ингилаби фәалијјәтләри илә јанашы елми вә фигһи фәалијјәтләри бу бөјүк дин алиминдән әһатәли вә тәсирли бир шәхсијјәт јаратмышды. Ислам Ингилабынын Бөјүк Рәһбәри сонра билдирибләр: Ингилабын әсасларына ҝүҹлү иман вә бу јолда мүгавимәт, һәмчинин дини вә ингилаби гејрәт бу мөһтәрәм шәхсијјәтдән диҝәр бариз нишанәләр иди. Һәзәт Ајәтуллаһулузма Хаменеи һәмчинин Аллаһ-Тааладан Ајәтуллаһ Мәһәммәд Јәзди үчүн рәһмәт, бағышланма вә илаһи беһист диләјибләр. Иран Ислам Республикасынын рәсмиләри, һәмчинин бир чох шәхсијјәт вә тәшкилат да өз мүраҹиәтләриндә Ајәтуллаһ Мәһәммәд Јәздинин вәфаты мүнасибәтилә башсағлығы верибләр.
342/
