АБНА24 Хәбәр Верир, Азәрбајҹан-Иран мүнасибәтләриндә јени сәһифә јарадаҹаг вә јерли әһалинин севҝисинә сәбәб олаҹаг мүһүм һадисә нојабрын 3-дә етдији чыхышында Һәзрәт Ајәтуллаһүл-узма Хаменеинин Азәрбајҹанын өз торпагларыны азад етмәк һүгугуна дәстәк вермәси олду. О Һәзрәт бујурдулар: "Азәрбајҹан Республикасынын Ермәнистан тәрәфиндән ишғал олунмуш бүтүн торпаглары азад олунмалыдыр. Бу мүһарибәнин сонланмасынын әсас шәрти Азәрбајҹан торпагларынын өзүнә гајтарылмасыдыр. Бу торпаглар Азәрбајҹанындыр вә Азәрбајҹан Республикадынын өз торпагларыны азад етмәк јолундакы мүбаризәси онун һаггыдыр"- Ситатын сону. Бунунла да Али рәһбәр Азәрбајҹанын өз торпагларыны азад етмәк јолундакы мүбаризәсини һагг иш сајмагла рәсми Бакыны ән јүксәк сәвијјәдә дәстәкләндијини нүмајиш етдирмиш олду. Бурада ваҹиб месаж одур ки, Ермәнистан ишғал етдији Азәрбајҹан торпагларыны дәрһал азад етмәлидир. Ермәнистан буну көнүллү етмәјәҹәји тәгдирдә Азәрбајҹанын ишғалчылары һәрби јолла өз әразисиндән говмаға һаггы вар. Һеч бир өлкә бу ишдә Бакыја нә тәзјиг едә биләр, нә дә һәр һансы шәртләр ирәли сүрә биләр. Торпаглар азад едилмәдији тәгдирсә исә сүлһ вә атәшкәсдән данышмаг јерсиздир. Диҝәр тәрәфдән, Иранын Али лидери Ермәнистаны ишғалчы кими тәгдим етмәклә рәсми Ирәвана тәзјиг ҝөстәрмиш олду. Инди ола билсин ки, Ермәнистан һакимијјәти ону ишғалчы сајан Иран Али лидеринин һансы ҝүҹә вә нүфуза малик олмасыны јахшы баша дүшдүјү үчүн бу чыхышдан нәтиҹә чыхараҹагдыр. Ајдын мәсәләдир ки, Һәзрәт Ајәтуллаһүл-узма Хаменинин бу чыхышы узун илләрә сөјкәнән мөвгедир вә Али лидер әслиндә өз мөвгејини тәкрарламагла Ираны Азәрбајҹанын дүшмәни кими тәгдим етмәк истәјәнләрә силлә вурмуш олду. Бу ҝүнләрдә исә Иранын нүфузлу ики мәрҹеји-тәглид алимләри – Ајәтуллаһ Нури Һәмәдани вә Ајәтуллаһ Мәкарим Ширази Азәрбајҹана дәстәк нүмајиш етдирмиш вә Ермәнистаны ишғалчылыға сон гојмаға чағырмышдылар. Ҝөрүнүр, Иран-Азәрбајҹан мүнасибәтләриндәки достлуг, гардашлыг вә әмәкдашлыг принсипләри индики дөврдә јүксәк сәвијјәдәдир. Буну ики өлкәни ән јүксәк сәвијјәдә тәмсил едән шәхсләринин мүсаһибләриндән дә ҝөрмәк мүмкүндүр. Азәрбајҹанын Иранла сәрһәд әразисинин Ермәнистан ишғалындан азад едилмәси вә президент Илһам Әлијевин ики өлкәни бу мүнасибәтлә тәбрик етмәси дә буна бариз нүмунәдир. Һәмчинин Иранла әмәкдашлыг мәсәләси ишғалдан азад едилән әразиләрлә бағлы да давам едәҹәк. Һәмин әразиләрин бәрпасы просесиндә Иран ширкәтләринин иштиракы, гаршылыглы тиҹарәт, ҝедиш-ҝәлиш һәр ики тәрәфә фајда ҝәтирәҹәк, үмумиликдә бөлҝәнин сүрәтли инкишафына сәбәб олаҹагдыр.
342/
