Әһли Бејт - АБНА – Хәбәр Аҝентлијинин вердији хәбәрә әсасән, 15 ијул, 2016 тарих түркијә тарихиндә јени дөнүш нөгтәсинә чеврилди. АБШ вә Гәрб дөвләтләри Әрдоғаны девирмәк истәди. Лакин ИИР вә Русијанын әкстәсирләри нәтиҹәсиндә Әрдоған мејданда тәк бурахылмады. Нәтиҹәдә АБШ-ын бир нөмрәли ҹасуз шәбәкәси олан Фәтуллаһ Ҝүлән башда олмагла онун јаратдығы глобал шәбәкә Әрдоғанын һәдәфинә чеврилди вә чәкишмәләр шиддәтләнди...
Тәбии ки, бу чәкишмәләр бәзи гоншу вә “гардаш” дөвләтләрин сијаси ојнуна чеврилди. Јәни ислаһатлар вә тәмизләнмәләр ады алтында режим дахилиндә јени шәрләнмәләрә старт верилир... Белә ки, бу ҝүнләрдә Әлијев режимин мәсул даирәләриндә Азәрбајҹана (мөвҹуд режимин өз истәјилә) јеридилмиш «Ҝүлән ҹамаатына» бағлы үнсүрләрин овуна чыхдығыны ҝүндәмә ҝәтирилир вә медиаларда ара-сыра кимләринсә нурчу олдуғу ортаја гојулур. Амма һәгигәт исә там башгадыр... Дөвләт апаратларында олан “ҝүләнчиләр” даһа чох режимин дәстәј вә һимајәсиндән бәһрәләнир вә режимин сијаси, игтисади вә маариф саһәсиндә әсас тәминатчыларына неҹә дејәрләр кадрларына чеврилибләр. Мисал олараг буна Милләт Вәкили Фазил Мустафаны ҝөстәрә биләрик!
Бәзиләринин нәзәринә ҝөрә, әҝәр «Ҝүлән ҹамааты», "Һизмәт һәрәкаты" адландырылан група үзвлүк ҹинајәтдирсә, онда башда дөвләт органларында, президент апаратында, Мили Мәҹлисдә олан вә кимсәјә ҝизли олмајан нурчу үнсүрләри, сон дөврләрә гәдәр өлкәнин ән јахшы тәһсил мүәссисәләриндән бири кими тәгдим едилән бәлли университетин, онларла литсејләрин рәһбәрлији, мүәллимләринин әксәријјәти, бу гурумлара лисензија верән дөвләт гурумларынын рәһбәрләри ја ДТН-дә, ја бандотделдә, ја да Күрдәханы тәҹридханасында һәбсханада олмалыдылар.
Әрдоғанын бу һадисәләрдән истифадә едиб демократик институтлары зәифләтмәк, өз оппонентләрини сырадан чыхармаг, бир нәфәрин һакимијјәтини ҝүҹләндирмәк нијјәти ҝөз габағындадыр. Охшар һадисәләр Азәрбајҹанда да баш верир. Ҝүлән иши ики авторитар һакимијјәт арасында алвер предметидир, әслиндә.
Вә нәһајәт, Ҝүләнчилик пис шејдирсә, Әлијевчилик, Әрдоғанчылыг ондан гат-гат писдир. Ҝүләнчилик һакимијјәти зорла девирмәк анламына ҝәлирсә вә ҹинајәт сајылырса, һакимијјәти зор ҝүҹүнә сахламаг ондан бетәр ҹинајәтдир.
Бу әсассыз иттиһамлары рәдд етмәк, онлара етираз етмәк ҝәрәк. Амма "Ҝүләнчиләри һакимијјәтдә ахтарын" чох зијанлы вә јанлыш мүдафиә јолудур. Бу ҹүр лексиконла һакимијјәтдән фәргимиз аз олур онда. "Һакимијјәтдә Әлијевләрдир" сөјләмәк јетәрлидир...
Диггәт: Хәбәрдән истифадә етдикдә мәнбәјә истинад лазымдыр
