Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүдүнја Әһли Бејт (әлејһимус сәлам) Ассамблејасынын Баш Катиби Пакистанда дөвләт вә террор груплашмаларынын әл-әлә верәрәк Шиәләрә гаршы һәјата кечиртдикләри Сојгырым вә әмлакларынын мүсадирә едилмәсинә етираз әламәти олараг Лаһур Шиәләринин Пајтахт Исламабадда кечиртдикләри аҹлыг аксијасынын 27-ҹи ҝүнүндә Әлламә Раҹе Насир Әббас Ҹәфәри илә телефонла әлагә јарадыб.
Һөҹҹәтүл Ислам Муһәммәд Һәсән Әхтәри “Мүсәлманларын Вәһдәт Мәҹлиси” һәракатынын лидери илә сахладығы телефон әлагәсиндә онун фәдакарлыгла һәјата кечиртдији бу аддымыны алгышлајараг, сәһһәти һаггында марагланыб.
Үмүдүнја Әһли Бејт (әлејһимус сәлам) Ассамблејасынын Баш Катиби Пакистан дөвләтини аксија иштиракчыларынын гануни истәкләринә мүсбәт ҹаваб вермәјә дәвәт едәрәк билдириб: “Пакистан дөвләт рәсмиләри Шиәләрә гаршы узун илләр зоракылыг едән шәхсләрлә гәтијјәтлә рәфтар етмәлидир.”
Ҹәнаб Әхтәри, данышыглар заманы “Мүсәлманларын Вәһдәт Мәҹлиси” һәракатынын лидеринә дәстәк вердији ачыглајараг билдириб: “Биз дә, өз нөвбәмиздә Үмүдүнја Әһли Бејт (әлејһимус сәлам) Ассамблејасында сизин истәкләринизин һәјата кечмәси үчүн бүтүн гануни јоллардан истфадә едәҹәјик.”
“Мүсәлманларын Вәһдәт Мәҹлиси” һәракатынын лидери Әлламә Раҹе Насир Әббас Ҹәфәри аҹлыг аксијасынын кечирилмәси сәбәбләри һагда ачыглама верәрәк дејиб: “Узун илләрдир ки, мүтәмади сүрәтдә Пакистан Шиәләринә гаршы өлкәмиздә дөвләт вә мүхтәлиф террор груплашмалары тәрәфиндән гәтл, гарәт вә сојғунчулуг сијасәтләри јүрүдүлүр. Ҹинајәткарларын гаршысы алынмыр. Кимсә бу ҝүнә кими ҹинајәт мәҹәлләсинә ҹәлб олунмајыб.”
Әлламә Ҹәфәри вурулајыб: “Һүгугларымызын там сүрәтдә бәрпа олунаҹағына кими аҹлыг аксијасына давам етдирәҹәјик.”
“Мүсәлманларын Вәһдәт Мәҹлиси” һәракатынын лидери һәмчинин АБНА сајтынын Пакистан хәбәрләрини дүнјанын мүхтәлиф дилләриндә јајымладығына ҝөрә, дәрин миннәтдарлығыны билдириб.
Үмүдүнја Әһли Бејт (әлејһимус сәлам) Ассамблејасынын Баш Катиби сонда аксија иштиракчыларына саламатчылыг арзулајараг онларын мүвәффәг олмалары үчүн дуалар едиб.
Диггәт: Хәбәрдән истифадә етдикдә мәнбәјә истинад лазымдыр
