Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 26 Нојабр 2015 тарихдән башланан башда Нардаран олајлары олмагла Азәрбајҹанын әксәр бөлҝәләриндә апарылан анти-Шиә әмәлијјатлары уғурла һәјата кечирилдикдән сонра Азәрбајҹандакы Дағ јәһудиләри иҹмасынын рәһбәри Мелиһ Јевдајев, Авропа јәһудиләринин Бакы иҹмасынын сәдри Ҝеннади Зелманович рәсмән диктатор И. Әлијевә мүраҹиәт едәрәк өз тәшәккүрләрини билдирмишләр.
Мәлумата ҝөрә, јәһудиләр сүлалә башчысы Илһам Әлијеви “Азәрбајҹан Республикасы Президентини фәхри диплом” илә тәлтиф едибләр.
Јәһуди конфессијаларын рәһбәрләри билдирибләр: “Тәәссүф һисси илә гејд етмәлијик ки, етник-сијаси гаршыдурмалар, терроризм, сепаратчылыг, дини радикализм, диндән суи-истифадә едәрәк мүнагишәләр јаратмаг кими бүтөвлүкдә бәшәр сивилизасијасыны тәһдид едән һадисәләр зәманәмизин буҝүнкү аҹы ҝерчәјидир.”
Азәрбајҹан халгынын милли сәрвәтләрини талан едәрәк Һејдәр Әлијев адына гондарма фондда ҹәмләшдирилән милјардларла пулларын гејри-Ислам јолунда хәрҹләндијиндән мәмнун олдугларыны дилә ҝәтирәрәк дејибләр: “Әминик ки, Һејдәр Әлијев Фондунун рәһбәри, биринҹи ханым Меһрибан Әлијеванын дәстәји илә бизим һәр заман тәблиғ етдијимиз вә дүнјаја мултикултурализмин нүмунәси кими тәгдим етдијимиз Азәрбајҹанын толерантлыг модели сивилизасијаларарасы диалогун вә мәдәни әлагәләрин инкишафына, гаршылыглы анлашма вә достлуг кими бәшәри дәјәрләрин тәшвигинә вә тәкамүлүнә өз төһфәсини вермәкдәдир.”
Диггәт: Хәбәрдән истифадә етдикдә мәнбәјә истинад лазымдыр
