Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 26 Нојабр, 2015 тарихдә Бакынын Нардаран Гәсәбәсиндә 13:00 радәләриндә Зөһр вә Әср намазларыны гылан јердә һәбс олунан 14 Шиәјә һөкм охунуб.
Белә ки, әлијевләр сүлаләсинин гондарма мәһкәмәси Шиәләрлә бағлы 4 ај мүддәтинә һәбс-гәтимкан тәдбиринин сечилмәси гәрарыны вериб.
Әдаләтсиз мәһкәмә сахланыланлары Ҹинајәт Мәҹәлләсинин 120.2.1-ҹи (Гәсдән адам өлдүрмә, бир груп шәхс, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (тәшкилат) тәрәфиндән төрәдилдикдә), 120.2.3-ҹү (Зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзүнү вә ја јахын гоһумларыны өлдүрмә), 120.2.4-ҹү (Хүсуси амансызлыгла вә ја үмуми тәһлүкәли үсулла адам өлдүрмә), 120.2.7-ҹи (Ики вә ја даһа чох шәхси өлдүрмә), 120.2.11-ҹи (Гулдурлуг, һәдә-горху илә тәләб етмә, террорчулуг вә ја бандитизмлә әлагәдар адам өлдүрмә), 120.2.12-ҹи (Милли, ирги, дини әдавәт вә ја дүшмәнчилик нијјәти илә адам өлдүрмә), 214.2.1-ҹи (Террорчулуг, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән төрәдилдикдә), 214.2.3-ҹү (Одлу силаһдан вә силаһ гисминдә истифадә олунан предметләрдән истифадә етмәклә төрәдилдикдә), 220.2-ҹи (Күтләви иғтишаш, һакимијјәт нүмајәндәсинин гануни тәләбләринә фәал шәкилдә табе олмамаға вә күтләви иғтишашлара, һабелә вәтәндашлара гаршы зоракылыг етмәјә чағырышлар етмә), 228.3-ҹү (Ганунсуз олараг силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә мүтәшәккил дәстә тәрәфиндән төрәдилдикдә), 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), 278-ҹи (Һакимијјәти зорла әлә кечирмә вә ја ону зорла сахлама), 279.3-ҹү (Ганунвериҹиликлә нәзәрдә тутулмајан силаһлы бирләшмәләри вә ја груплары јаратма, адамларын һәлак олмасына вә ја диҝәр ағыр нәтиҹәләрә сәбәб олдугда), 281.2-ҹи (Дөвләт әлејһинә јөнәлән ачыг чағырышлар, тәкрар вә ја бир груп шәхс тәрәфиндән төрәдилдикдә), 283.2.3-ҹү (Милли, ирги, сосиал вә ја дини нифрәт вә дүшмәнчилијин салынмасы мүтәшәккил дәстә тәрәфиндән төрәдилдикдә), 315.2-ҹи (Һакимијјәт нүмајәндәсинә гаршы һәјат вә сағламлыг үчүн тәһлүкәли олан зор тәтбиг етмә) гондарма маддәләри илә ШӘРЛӘЈИБ.
Бунунла кифајәтләнмәјән һаким сүлалә јајымладығы рәсми мәлуматда бу ҹәфәнҝијјатлары да билдириб: “Зүлфүгар Сәдрәддин оғлу Микајылов вә Әбүлфәз Һејдәт оғлу Бүнјатов дөвләтин конститусија гурулушунун зорла дәјишдирилмәси, шәриәт ганунлары илә идарә едилән дини дөвләт гурулмасы мәгсәдилә «Мүсәлман бирлији" адлы һәрәкат јарадыблар. Онлар топладыглары тәрәфдарларыны мүхтәлиф нөв одлу силаһ, дөјүш сурсаты, партлајыҹы маддә вә гурғуларла тәҹһиз едәрәк ҹинајәткар дәстә тәшкил едибләр. Һәмчинин, пајтахтын Нардаран гәсәбәсиндә ганунсуз јығынҹаглар кечирәрәк республика әһалисини һакимијјәтә гаршы галдырмағын јолларыны мүзакирә едиб, бунунла бағлы тәрәфдарларына ҝөстәришләр вериб вә әһалијә чағырыш вәрәгәләри пајлајыблар. Силаһлы ҹинајәткар дәстәнин һәр бир үзвүнүн үзәринә дүшән конкрет вәзифәләр, о ҹүмләдән һакимијјәт нүмајәндәләринә гаршы террор актлары төрәдәҹәк мәсул шәхсләр мүәјјән едилиб.”
Хатырладаг ки, 26 Нојабр, 2015 тарихдә әлијевләр сүлаләсинин дахили ишләр назирлији тәрәфиндән Нардаран гәсәбәсиндә кечирилән хүсуси террор әмәлијјат заманы полис чиновникләри Аллаһ ибадәт едән мүлки вәтәндашлара гаршы автомат силаһлардан атәш ачараг әл гумбарасындан истифадә едиб. Ҹинајәт заманы режимин ҝүҹ структурлары 4 Шиәни Шәһид едиб, даһа бир нечә мүлки вәтәндашы ағыр јаралајыб.
Апарылан анти-Шиә әмәлијјаты заманы дахили ишләр назирлији тәрәфиндән һадисә јериндә ики полис өлдүрүләрәк Нардаранлыларын бојнуна атыбалр.
Диггәт: Хәбәрдән истифадә етдикдә мәнбәјә истинад лазымдыр
