Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнјада баш верән вәһшиликләрин әсас мәнбәси олан Сәудијјә режимин вәтәндашлары һеч бир һәдд вә һүдуд танымыр.
Мәлумата ҝөрә, пајтахт Рјаз сакинләринин биринин евиндә хидмәтчи ишләјән һиндистанлы гадын она гаршы олан зоракылыг, ишкәнҹә вә тәһгирләрдән ҹан гуртармаг үчүн ишләдији евдән гачаркән ев саһиби ону јахаламыш вә сағ голун дирсәкдән кәсмишдир.
Һиндистан Хариҹи Ишләр Назири Сушма Сәвараҹ гәти етиразыны билдирәрәк һадисә илә бағлы Һиндистан дөвләтинин Әрәбистан режими илә данышыглара ҝирдијини гејд едиб.
О, билдириб ки, Һиндистанын Сәудијјә Әрәбистанындакы сәфири Әрәбистан режиминин ХИН-и илә әлагә јарадараг ҹинајәткара шиддәтли ҹәзанын верилмәсини тәләб едиб.
Сәуд режимин рәсмиләри исә, һадисә илә бағлы һеч бир нәзәр ирәли сүрмәјибләр.
Гејд едәк ки, Узаг вә Јахын Шәрг өлкәләриндән Әрәбистана хејли сајда ишчи гүввәләри ҝәлир. Онларын сәләфи әгидәли әрәбләр арасында һеч бир дәјәрә малик олмамалары артыг дүнја иҹтимаијјәтинә мәхфи дејиыдир. Белә ки, сон илләр әрзиндә Әрәбистан режими тәрәфиндән онларла Пакистан, Шири Ланка, Бангладеш, Флиппин вә Индонезија вәтәндашларынын бојунлары вурулдуғу дәфәләрлә иҹтимаи шәбәкәләрдә јајымланыб.
Диггәт: Хәбәрдән истифадә етдикдә мәнбәјә истинад лазымдыр
