Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ишғалчы Ермәнистан режиминин президенти Серж Саркисјан ишғал олунмуш Дағлыг Гарабағы Ермәнистанын ајрылмаз һиссәси елан едиб.
Ишғалчы дөвләтин башчысы бу барәдә сентјабрын 26-да, гондарма "ермәни сојгырымынын 100 иллијинә һәср олунмуш" тәдбирләрин координасијасы үзрә дөвләт комиссијасынын иҹласында билдириб.
"Ермәнистан - мән Ермәнистан дејәндә исә Дағлыг Гарабағы онун ајрылмаз һиссәси кими нәзәрдә тутурам", - дејә, ишғалчы режимин президенти бәјан едиб.
Гејд едәк ки, бу бәјанатла Саркисјан рәсми олараг Дағлыг Гарабағын Ермәнистан тәрәфиндән ишғалыны етираф етди.
Индијәдәк Ермәнистанын рәсми шәхсләри билдирирдиләр ки, Дағлыг Гарабағ "реҝионун сакинләринин ирадәси илә Азәрбајҹандан ајрылыб вә мүнагишәнин низамланмасы үзрә данышыгларда мүстәгил тәрәф кими чыхыш етмәлидир".
Диггәт: Хәбәрдән истифадә етдикдә мәнбәјә истинад лазымдыр
