Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бәһреjн Инсан Һаглары Мәркәзи бу өлкәдә мәктәблиләрин һәбси просесинин шиддәтләнмәсиндән ниҝаранлыг едиб.
Сәһәр Беjнәлхалг Телевизиjасынын Ливанын әл-Әһд хәбәр порталына истинадла вердиjи мәлумата ҝөрә, Бәһреjн Инсан Һаглары Мәркәзи вердиjи һесабатда өтән ики һәфтә әрзиндә Бәһреjнин аидиjjәтли рәсмиләри тәрәфиндән 18 jашдан ашағы 10 ушағын һәбс олундуғуна тохунараг билдириб: Һазырда jүзләрлә ушаг дәрсләрдә иштирак етмәк jеринә Али-Хәлифәнин һәбсханаларындадыр вә тәһсили давам етдирмәкдән мәһрумдур.
Бәһреjн Инсан Һаглары Мәркәзи jени тәһсил илинин башланмасы илә бир вахтда иҹтимаи шәбәкәләрдә кампаниjа башлады. Бу кампаниjа ушагларын һәбсләрдән азад олунмасыны вә онларын тәһсили давам етдирмәләринә шәраитин jарадылмасыны истәjир.
Чохлу саjда Бәһреjн вәтәндашы, о ҹүмләдән мәктәблиләр вә тәләбәләр 2011-ҹи илин феврал аjындан Али-Хәлифә режиминә гаршы кечирилән динҹ аксиjаларда иштирак етмәк иттиһамы илә һәбсә мәһкум олунуб.
Бәһреjн вәтәндашлары иҹтимаи әдаләтин иҹра олунмасы вә реал сечкиләрин кечирилмәси jолу илә бир гурулушун игтидара ҝәлмәсини тәләб едирләр.
Диггәт: Хәбәрдән истифадә етдикдә мәнбәjә истинад лазымдыр
