Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Силаһлы Гүввәләри баш команданынын көмәкчиси вә баш мүшавири деjиб ки, Али-Сәудун Јәмәнә тәҹавүзүнүн нәтиҹәси, мәғлубиjjәтдир.
Сәһәр каналынын мәлуматына ҝөрә, ҝенерал-леjтенант пасдар Сеjид Јәһjа Рәһим Сәфәви дүнән ҝеҹә Исфаһан шәһәриндә деjиб: Сәудиjjә Әрәбистаны билдиjи дәлиллләрә ҝөрә, Јәмәнә гуру һүҹумларына башламады, амма әҝәр бир ҝүн jәмәнлиләр ҹаваб әмәлиjjатларына кечәрләрсә, чүрүмүш Али-Сәуд реjиминдән бир шеj галмаjаҹаг.
Иран Силаһлы Гүввәләри баш команданынын баш мүшавири Али-Сәуд реjимини диктатура, инсанлыгдан узаг, геjри-ислами, Америкадан асылы бир реjим адландырыб вә белә геjд едиб: Бу реjим елә бир һалда jәмәнли мүсәлманлары гәтлиам едир ки, инидиjәдәк сионист реjимә тәрәф бир дәнә дә олсун белә, ҝүллә атмаjыбдыр.
Ҝенерал-леjтенант пасдар Сеjид Рәһим Сәфәви сонра деjиб: Али-Сәуд реjими 40 суткада бомбардман jолу илә Јәмәнин мүсәлман вә мәзлум халгыны гырғын етмәк үчүн 30 милjард доллардан jухары хәрҹ чәкди, лакин өз һәдәфинә чата билмәди.
Диггәт: Хәбәрдән истифадә етдикдә мәнбәjә истинад лазымдыр
