Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Сүлејманијјә тәһлүкәсизлик гүввәләри Иранын әкс-ингилабчы групларыны Зәргуз, Банеһ Горе вә Коула Раһешдәки гәрарҝаһларыны бошалтмағы әмр едиб.
Бу барәдә “Комала” террорчу групунун үзвү Амжад Һүсејн Пәнаһи дејиб: “Сүлејманијјәнин тәһлүкәсизлик гүввәләри бу үч гәрарҝаһы бошалтмағымыз үчүн бизә рәсми хәбәрдарлыг етдиләр вә биз тәхлијјә етмәсәк, бу гәрарҝаһы бошалтмаг үчүн ҝүҹ тәтбиг едәҹәкләр.”
Бунунла бағлы Сүлејманијјә тәһлүкәсизлик гүввәләринин сөзчүсү полковник Салам Әбдүл Халиг дејиб:
“Бу тәдбирләр Күрдүстан бөлҝәсиндәки анти-Иран күрд партијалары илә бағлы Бағдад вә Теһран арасында тәһлүкәсизлик разылашмасынын иҹрасы истигамәтиндә һәјата кечирилир. Дүшәрҝәләрин бошалдылмасы үчүн онлара верилән мүддәт бу ајын әввәлиндә баша чатса да, аиләләринин бу дүшәрҝәләрдә олмасы сәбәбиндән бу мүддәт узадылыб вә инди онларын “Сурдаш” дүшәрҝәсинә көчүрүлмәси үчүн ҹәми 10 ҝүн галыб.”
Sizin rəyiniz