Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: 2025-ҹи ил мајын 4-дән 8-дәк Гәтәрин пајтахты Доһада Иран Ислам Республикасынын рәсми нүмајәндәси Ајәтуллаһ Әһмәд Мубәллиғи вә ону мүшајиәт едән нүмајәндә һејәтинин иштиракы илә Ислам Әмәкдашлыг Тәшкилатына бағлы Дүнја Ислам Һүгугу Форумунун 26-ҹы сессијасынын ачылыш мәрасими кечирилир.
Ачылыш мәрасиминдә бир нечә натиг өз фикирләрини билдириб вә ортаја чыхан мәсәләләрә ҹаваб вермәкдә Ислам фигһинин ваҹиблијини вурғулајыб.
Гәтәрин вәгфләр вә ислами ишләр назири Ғаним бин Шаһин әл-Ғаним гонаглары саламлајараг, јени мәсәләләрин шәриәт принсипләринә ујғунлашдырылмасында Ислам фигһинин ролуну вурғулајыб.
О, бу барәдә дејиб: “Шәриәт елмләри бәшәријјәтин еһтијаҹларына ҹаваб верир вә аиләнин дағылмасы, әхлагсызлығын тәблиғи, атеизм вә азғынлығын тәблиғи кими тәһлүкәләрә гаршы ајдын сәслә вә гәти гәрарла дајанмаг бизим үзәримиздәдир”.
Ғаним бин Шаһин әл-Ғаним ҹәнаблары, һәмчинин Ислам үммәтинин сыраларынын бирләшмәсиндә Ислами Фигһи Мәҹлисинин ролуну јүксәк гијмәтләндириб.
Франсыз дилиндә чыхыш едән Ислам Әмәкдашлыг Тәшкилатынын баш катиби Һүсејн Ибраһим Таһа Гәззаја едилән зүлмә тохунараг фәләстинлиләрин ишғалчылар үзәриндә гәләбә чалаҹағына үмид етдијини билдириб.
Гејд едәк ки, баш катибин ачыгламасына ҝөрә, јени дөврүн иш саһәләринә сүни интеллект, електрон ојунлар, Ислами идарәчилик кими мөвзуларын елми шәкилдә өјрәнилмәси дахилдир.
Үмумдүнја Фигһ Ассамблејасынын Баш Катиби јекунда деди: “Бу һаллар ислами ҹәмијјәтләрин һәјатына бирбаша тәсир едир вә тәсирли фигһи ҹаваблар тәләб едир”.
Sizin rəyiniz