Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: “Һәгигәтән, онларын (пејғәмбәрләрин) һекајәтиндә ағыл саһибләри үчүн ибрәт вардыр. [Гуран] ујдурма бир сөз дејил, әксинә, өзүндән әввәлкиләри (Илаһи китаблары) тәсдиг едән, һәр шеји мүфәссәл изаһ едән, иман ҝәтирән бир гөвм үчүн һидајәт (доғру јолу ҝөстәрән рәһбәр) вә мәрһәмәтдир.” (Гурани-Кәрим/Јусуф/111)
1. Шејтан вә сеһр-ҹаду тәлими
Һарут вә Марут шејтанлар тәрәфиндән сеһр өјрәдилмәсинин аҹы нәтиҹәләрини инсанлара чатдырсалар да, Исрали өвладларындан бәзиләри сеһр-ҹаду етмәклә Аллаһын рәһмәтиндән узаглашдылар (Бәгәрә, 102).
2. Һәзрәт Ибраһимин (әлејһи сәлам) имамәти
Һәзрәт Ибраһим (әлејһи сәлам) чохсајлы сынаглардан сонра имамәтә чатды вә Кәбә Евини һәзрәт Исмајыл (ә) илә бирликдә тикди (Бәгәрә/124-129).
3. Гибләнин дәјишдирилмәси
Аллаһ мүсәлманларын гибләсини Гүдсдән Кәбәјә дәјишди вә бунунла инсанларын иманыны сынады (Бәгәрә/142-150).
4. Талут вә Ҹалут
Аллаһ Талуту Исраил өвладларына башчылыг етмәк үчүн рәһбәр тәјин етди вә о, аз бир орду вә ҝүҹлү иманла Ҹалуту мәғлуб едә билди (Бәгәрә: 246-251).
5. Һәзрәт Үзејир (әлејһи сәлам)
Аллаһ Өз гүдрәтини ҝөстәрмәк үчүн Һәзрәти Үзејри (әлејһис-сәалам) вә улағыны 100 иллик өлүмдән сонра дирилтди (Бәгәрә/259).
6. Өлүләри неҹә дирилтмәк олар
Һәзрәт Ибраһим (әлејһис-салам) гәлбән там әмин олмасы үчүн Аллаһдан она өлүләрин дирилмәсинин ҝөстәрмәсини истәди вә Аллаһ онун үчүн өлү гушлары дирилтди (Бәгәрә, 260).
7. Мәрјәм (сәлыамуллаһи әлејһа)
Һәзрәт Мәрјәмин (сәламуллаһи әлејһа) анасы гоҹалыг чағында бәтниндә олан көрпәни Аллаһа нәзир етди. О, Мәрјәми (әлејһа салам) ибадәтҝаһда Аллаһа хидмәткар гул етди. (Али-Имран: 35-47)
8. Һәзрәт Зәкәријјаја (әлејһи сәлам) ушаг мүждәси.
Һәзрәт Зәкәријја (әлејһи сәлам) гоҹалыг чағында Аллаһдан салеһ өвлад истәди вә бир мәләк ону намазҝаһда Јәһја адлы өвлады илә мүждәләди (Али-Имран: 38-41).
9. Исанын (әлејһи сәлам) Доғулмасы
Һәзрәт Иса (әлејһи сәлам) Аллаһын әмри вә ирадәси илә атасыз дүнјаја ҝәлмишдир ки, бу да бир нөв Илаһи мөҹүзә иди (Али Имран: 45-47, 59).
10. Исанын (әлејһис-сәлам) мөҹүзәләри
Һәзрәт Иса (әлејһис-салам) Аллаһдан гушларын јарадылмасы, хәстәләрә шәфа вермәси, өлүләри дирилтмәси вә с. кими бир чох мөҹүзәләр ҝәтирмишдир (Али-Имран: 49-55).
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz