Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, сионист режимин
"Кан" каналы өтән ҹүмә ахшамы ишғал олунмуш Фәләстин сәрһәдиндә Ливан
Һизбуллаһ һәрәкатына аид гурулан чадырларын шәкилләрини дәрҹ едиб.
Сионист медиасы Һизбуллаһ гүввәләринин ишғал олунмуш Фәләстин торпагларынын-Исраилин 30 метр дәринлијиндә ики чадыр гурдуғуну вә онларын даими мөвҹудлуғу үчүн бу чадырларда електрик ҝенераторларындан истифадә едилдијини иддиа етмишди. Сөзү ҝедән сионист режиминә бағлы КИВ бу чадырларда Һизбуллаһ Һәракатынын “Ризван Десант” групунун үзвләринин јерләшдирилдијини тәхмин едирләр.
Ушаг гатили сионист режим тәрәфиндән ишғал олунмуш Фәләстинин-Исрааилин Шималында Јәһуди Гәсәбәләринин Рәһбәрләри вә Рәсмиләри Ассосиасијасынын рәһбәри Моше Давидович базар ҝүнү билдириб ки, исраилли мүһаҹирләр бу чадырларын гурашдырылмасындан сон дәрәҹә нараһатдырлар вә бу чадырлар јәһудиләр арасында бөјүк горху јарадыб.
Шаһаб хәбәр аҝентлији Давидовичә истинадән хәбәр верир ки, Исраил ордусу бу чадырлары јығмајыб, бу исә о демәкдир ки, Исраилин дахили ҹәбһәси мүһарибәјә һазыр дејилдир; Үстәлик, сионист орду Һизбуллаһын бу чадырлары гурмасына да мане олмајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
