Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, өтән ҝүн сәһәр
СЕПАҺ Аерокосмик Гүввәләриндә Иран Ислам Республикасынын "Фәттаһ" адлы
фөвгү һиперсәс ракети бир груп силаһлы гүввәләрин рәсмиләри вә өлкә Президентинин
иштиракы илә тәгдим едилиб.
Тактики имканлара малик олан бу ракет, икинҹи пилләли дашынан башлыг, бәрк јанаҹағына малик олдуғу үчүн чох јүксәк сүрәтә чатма габилијјәтинә маликдир вә ејни заманда дүшмәнин һәр ҹүр һава һүҹумундан мүдафиә системләринә галиб ҝәлмәк үчүн јер атмосферинин дахилиндә вә хариҹиндә мүхтәлиф маневрләр јеринә јетирир.
“Фәттаһ” ракетинин мәнзили 1400 км, һәдәфи вурана гәдәрки сүрәти исә 13-15 Мачдыр. Бу исә чағдаш дүнјамызда һиперсоник ракетләр арасында мисли ҝөрүнмәмиш бир сүрәтдир.
Һиперсоник ракетләр бу ҝүн Америка, Русија вә Чин кими өлкәләрин истеһсал етдији вә истифадә етдији ән јени силаһ вә аваданлыглардан биридир.
Гејд едәк ки, бир нечә ҝүн әввәл СЕПАҺ Аерокосмик Гүввәләринин команданы Елм вә Технолоҝија Университетинин тәләбәләринә јахын ҝәләҹәкдә Иранын һиперсәс баллистик ракетинин нүмајиш етдирилмәси барәдә мәлумат вермишдир.
Сәрдар Һаҹызадә бу јени ракетин бүтүн ракетдән мүдафиә системләриндән чох асанлыгыа јајына билдијини диггәтә чатдырыб вә билдириб: “Бу ракет дүшмәнин ракет әлејһинә системләрини һәдәфә алыр вә ракет саһәсиндә бөјүк нәсил сычрајышыдыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
