Сијаһыја 100 нәфәрин ады дахил едилиб, Сүлһ вә Демократија Институтунун бәјанатында дејилир. Сијаһыны тәртиб едәнләр “сијаси мәһбус” анлајышы үчүн Авропа Шурасы Парламент Ассамблејасынын мүәјјән етдији мејарлардан истифадә едибләр.
Туран аҝентлији Елшән Һәсәнова истинадла билдирир ки, сијаһыда јени шәхсләр вар - Демократик.аз сајтынын рәһбәри Осман Нәриманоғлу вә дини маһныларын ифачысы Вүгар Рәсул.
Нәриманоғлу 2022-ҹи ил ијулун 5-дә Ҝоранбој вә Ҝөјҝөл рајонларынын Мелиорасија Идарәсинин мәмурларындан вә һәкимләрдән пул тәләб етмәк иттиһамы илә һәбс едилиб.
Һәбсдән сонра журналист билдириб ки, иттиһамлар јаландыр, дәрҹ етдирдији ифшаедиҹи материалларда коррупсија фактларыны ачыгладығы шәхсләр тәрәфиндән она бөһтан атылыб. Нәриманоғлу иддиа едир ки, иттиһам тәрәфиндә пул тәләб едилмәсинә даир һеч бир сүбут јохдур, Һәсәнов дејиб.
Вүгар Рәсул 2022-ҹи ил ијулун 18-дә наркотик маддәләрин ганунсуз дөвријјәси иттиһамы илә һәбс едилиб.
Рәсул иттиһамлары рәдд едиб. Һүгуг мүдафиәчиләри һесаб едирләр ки, һәбсин әсл сәбәби Рәсулун дини етираз маһнылары сәсләндирмәси олуб.
Сијаси мәһбусларын јени сијаһысына ҝөрә 6 нәфәр Журналист, 4 нәфәр мүхалифәтчи, 5 нәфәр сијаси мүһаҹир, 18 нәфәр диндар вар. Тәртәр вә Ҝәнҹә ишләри үзрә исә ҹәми 54 нәфәр һәбсдә сахланылыр. Өмүрлүк мүһакимә олунанлар исә 13 нәфәр тәшкил едир.
342/
