бу барәдә Серҝеј Лавров Ермәнистан Республикасынын хариҹи ишләр назири Арарат Мирзојан илә Астанада кечирдији ҝөрүшдә билдириб.
О дејиб ки, Ермәнистан КТМТ-нин фөвгәладә саммитинин чағырылмасыны хаһиш етдикдән сонра КТМТ-нин баш катиби вә Бирләшмиш Гәрарҝаһ рәиси Ермәнистана ҝөндәрилди вә онлар төвсијәләр һазырладылар, Азәрбајҹанла сәрһәддә јерләшән Ермәнистан әразисинә КТМТ-нин мүшаһидә миссијасыны ҝөндәрмәји арашдырырлар. Тәләб олунан јеҝанә шеј Коллектив Тәһлүкәсизлик Шурасынын гәрарыдыр, ону КТМТ рәһбәри чағырмалыдыр вә һазырда сәдрлик едән өлкә Ермәнистандыр.
Русијалы назирин фикирләринә ҹаваб олараг Мирзојан да дејиб ки, Ермәнистан Азәрбајҹанын силаһлы гүввәләринин гоншу өлкәнин суверен әразисиндән чыхарылмасында мүттәфиги Русијадан дәстәк ҝөзләјир.
Һуманитар мәсәләләрин һәлли контекстиндә Арарат Мирзојан ермәни һәрби әсирләрин вә диҝәр сахланылан шәхсләрин тезликлә Ермәнистана гајтарылмасынын ваҹиблијини вурғулајыб.
Ермәнистан вә Русијанын хариҹи ишләр назирләри ики өлкәнин мүттәфиглик мүнасибәтләринин ҝениш ҝүндәлијини дә мүзакирә едибләр.
342/
