АБНА24 Хәбәр Верир , бу форматда үчүнҹү мүзакирәнин сәмими вә мәһсулдар кечирилдијини дејән Шарл Мишел “Биз бүтүн мәсәләләр топлусуну нәзәрдән кечирдик. Биз һуманитар мәсәләләр, о ҹүмләдән миналарын тәмизләнмәси, мәһбусларын азад едилмәси вә иткин дүшмүш шәхсләрин талејинин һәлли истигамәтиндә сәјләр барәдә әтрафлы мүзакирә апардыг», - дејә билдириб.
Мишел Јахын ҝүнләрдә дөвләтләрарасы сәрһәддә Сәрһәд Комиссијаларынын илк бирҝә иҹласынын кечириләҹәјиндән хәбәр вериб.
Авропа Иттифагы Шурасынын президенти коминикасијаларын бәрпасы барәдә анлашылмаз бәјанатында белә дејиб: “лидерләр нәглијјат әлагәләринин ачылмасы истигамәтиндә ишләрин давам етдирилмәси зәрурәти үзәриндә разылыға ҝәлибләр. Онлар Азәрбајҹанын гәрб һиссәси илә Нахчыван вә Азәрбајҹан әразисиндән Ермәнистанын мүхтәлиф һиссәләри арасында транзитләри, һабелә һәр ики өлкәнин коммуникасија инфраструктуру васитәсилә бејнәлхалг нәглијјат дашымаларыны тәнзимләјәҹәк принсипләр үзәриндә разылыға ҝәлдиләр. Онлар хүсусилә бејнәлхалг дашымалар контекстиндә сәрһәд идарәетмә принсипләри, тәһлүкәсизлик, еләҹә дә ҝөмрүк рүсумлары вә гајдалары барәдә разылыға ҝәлибләр вә јахын ҝүнләрдә Баш назирләрин мүавинләри бу иши давам етдирәҹәкләр.”
Мишелин дедијинә ҝөрә лидерләр Ермәнистан илә Азәрбајҹан арасында дөвләтләрарасы мүнасибәтләри тәнзимләјән ҝәләҹәк сүлһ мүгавиләсинә даир мүзакирәни давам етдирмәк барәдә разылыға ҝәлибләр. Јахын һәфтәләрдә хариҹи ишләр назирләринин башчылыг етдикләри нүмајәндә һејәтләри бу просеси давам етдирәҹәкләр.
«Бунун давамы олараг, мән һәр ики лидерә мүраҹиәтлә вурғуладым ки, зәннимҹә, Гарабағдакы етник ермәни әһалинин һүгуглары вә тәһлүкәсизлији мәсәләсинин һәлл олунмасы ваҹибдир», - дејә Мишел вурғулајыб.
«Биз сых тәмасда галмаға разылашдыг вә ијул-август ајларына гәдәр ејни форматда јенидән ҝөрүшәҹәјик», - дејә Шарл Мишел билдириб.
342/
24 may 2022 - 03:46
Xəbər kodu: 1260311
Авропа Иттифагы Шурасынын президенти Мишел Азәрбајҹан президенти Әлијев вә Ермәнистанын баш назири Пашинјан илә үчтәрәфли ҝөрүшдән сонра мәтбуата бәјанатла чыхыш едиб.
