АБНА24 Хәбәр Верир , Һүсејн Әмир-Абдуллајиан бу барәдә өлкә парламенти, Ислам Шурасы Мәҹлисиндә етдији чыхышы заманы дејиб: “Иран Ислам Республикасы үчүн бу гәбуледилмәздир ки, дост вә гоншу Түркијәнин Дәҹлә вә Араз чајлары үзәриндә низамсыз шәкилдә тикдији баражлар бөлҝәдә еколожи вәзијјәти проблемләрлә үзләшдириб, бизим вә диҝәр бөлҝә халглары үчүн мүшкүлләр јарадыб”.
Иран ХИН рәһбәри, өлкә депутатларындан су еһтијатлары вә еколожи вәзијјәтлә бағлы, һабелә Түркијәнин тикдији су баражлары илә бағлы суалыны ҹавабландыраркән билдириб ки, дост вә гоншу Түркијәнин бу аддымы Иран үчүн гәбуледилмәздир.
Әмир-Абдуллаһијан билдириб ки, Түркијәнин Араз үзәриндә тикдији су баражлары Ирана вә диҝәр бөлҝәләрә дахил олан сујун мигдарына мәнфи тәсир ҝөстәриб.
“Сон сәккиз ајда азы ики дәфә һәм телефонла, һәм дә ҝөрүшәрәк бу мәсәләни Түркијәнин хариҹи ишләр назири илә мүзакирә етмишәм. Теһранла Анкара арасында сујун истифадәси илә бағлы һеч бир мүгавиләнин олмамасына бахмајараг, сон дөрд ајда гаршы тәрәфлә данышыглар апармыш вә ики өлкә арасында сујун мүштәрәк истифадәси илә бағлы бирҝә комиссија јаратмышыг", дејә Әмир-Абдуллаһијан әлавә едиб.
342/
11 may 2022 - 13:52
Xəbər kodu: 1256585
Иран Ислам Республикасынын хариҹи ишләр назири билдириб ки, дост өлкә Түркијәнин низамсыз су баражлары тикмәси гәбуледилмәздир.
