Тәбии газ дүнја енержисинин ҝәләҹәјини формалашдыран амилдир

АБНА24 Хәбәр Верир , Газ Ихраҹ едән Өлкәләр Ассамблејасынын алтынҹы конфрансы бу ҝүн сәһәр Иран Ислам Республикасынын президенти Сејид Ибраһим Рәисинин, үзв өлкәләрин дөвләт башчылары вә нүмајәндәләринин иштиракы вә Гәтәр әмиринин чыхышы илә «Дүнјада Енержи Тәһлүкәсизлији» меһвәрилә рәсмән ишә башлајыб.

Јығынҹагда Иран, Әлҹәзаир, Мисир, Ливија, Ниҝерија, Гәтәр, Русија, Венесуела, Тринидад вә Тобагонун президент, баш назир вә енерҝетика назирләри, һәмчинин Азәрбајҹан Республикасы, Ираг, Малајзија, Норвеч, Перу вә Бирләшмиш Әрәб Әмирликләринә шамил олан нәзарәтчи үзвләр иштирак едирләр.

Сејид Ибраһим Рәиси бу конфрансда дејиб: Биз ири тәбии газ еһтијатларына малик олан вә бу газы ихраҹ едән өлкәләр кими, өз месажымызы ачыг шәкилдә дүнјаја елан етмәлијик. Бу конфрансда мәгсәд, үзв өлкәләрин суверенлијини һимајә вә тәбии газ кәшфијјатлары үчүн даһа чох әмәкдашлыгдыр.

Рәиси дејиб: Биз ири тәбии газ еһтијатларына малик олан вә бу газы ихраҹ едән өлкәләр кими, тәбии газа олан тәләбатын тәһлүкәсизлијинин јүксәлдилмәси истигамәтиндә газ ихраҹ едән өлкәләр ассамблејасынын вәзифәси вә мәгсәдләрини изләмәклә јахын вә узаг перспективләрдә дајаныглы енержи тәмини вә зәманәти үчүн дүнјаја шәффаф месаж верә биләрик.

Иран Ислам Республикасынын президенти билдириб ки, дүнја бу шүарын һәјата кечмәси үчүн һазырда кечмишдәкиндән даһа чох коллектив сәјә еһтијаҹ дујур.

Рәиси сонра белә гејд едиб: Тәбии газ тәмиз вә тәһлүкәсиз бир јанаҹаг кими, истеһсал габилијјәтли зәнҝин мәнбәләрлә, ҝәләҹәк онилликләр үчүн дүнјанын истеһлак етдији енержинин тәркибиндән диггәтәлајиг пајы өзүнә аид едәҹәк вә диҝәр јанаҹагларла мүгајисәдә өз еколожи, техники вә игтисади мәзијјәтләрини горујуб сахлајаҹагдыр.

Иран Ислам Республикасынын президенти сөјләјиб: Газ ихраҹ едән өлкәләр ассамблејасынын үзвләри кими, бизим јанашмамыз, дүнја базарына даһа чох тәбии газ тәгдиматы вә һуманитар ҹәһәтләрә малик бир јанашмадыр.

342/