Фаҹиәнин көрүкләнмәсиндә Америка вә Исраилин ролу-ТӘҺЛИЛ

АБНА24 Хәбәр Верир, Сәудијјә коалисијасынын Јәмәнә гаршы мүһарибәсинин једдинҹи или баша чатмаг үзрәдир. Ән варлы әрәб өлкәләринин (Сәудијјә Әрәбистаны вә БӘӘ) Гәрби Асијанын ән касыб әрәб өлкәсинә гаршы апардығы бу асимметрик мүһарибә Јәмәндә 21-ҹи әсрин ән бөјүк һуманитар фәлакәтинә ҝәтириб чыхармышдыр.

Доғрудур, АБШ вә Исраил Јәмән әлејһинә коалисијада формал олараг иштирак етмирләр, лакин һәр икиси бу мүһарибәдә мүһүм рол ојнајыр вә мүһарибәнин нәтиҹәләриндән фајдаланырлар.

АБШ Јәмәнә гаршы мүһарибәдә Сәудијјә Әрәбистаны вә Бирләшмиш Әрәб Әмирликләринә силаһ вә сијаси дәстәк верир. Јәмәнлиләрә гаршы истифадә едилән техниканын әсас һиссәсини АБШ истеһсалы олан силаһлар тәшкил едир. Ејни заманда, америкалылар бејнәлхалг гурумларда, о ҹүмләдән БМТ Тәһлүкәсизлик Шурасында Әр-Ријад вә Әбу-Дәби илә бағлы истәнилән гәрары әнҝәлләјирләр. Сечки кампанијасы заманы вә һәтта 2020-ҹи ил сечкиләриндә галиб ҝәлдикдән сонра АБШ президенти Ҹо Бајден Јәмән мүһарибәсиндә Сәудијјә Әрәбистанына дәстәјини дајандыраҹағына сөз верди, лакин бу вәд јеринә јетирилмәди. Вә һазырда АБШ силаһлары Сәудијјә Әрәбистанына сатылмаға давам едир, Сәудијјә Әрәбистаны исә Јәмәндә сәфаләт јаратмаг үчүн бу силаһлардан фајдаланыр.

Исраил дә Јәмәнә гаршы мүһарибәдә фәал иштирак едир. Wасһинҝтон Пост гәзети 2021-ҹи илин декабрында бу барәдә јазыб: "Исраил Јәмәнә гаршы мүһарибәдә әсас тәрәфдашдыр. 42-дән чох пилоту вә 70-ә јахын һәрби вә техники мүтәхәссиси илә бу режим Јәмәнә гаршы мүһарибәдә Сәудијјә вә БӘӘ-јә јардым едир".

Бундан әввәл Исраилин "Һааретз" гәзети бир Исраил ширкәтинин Сәудијјә муздлуларына һәрби тәлим кечдијини билдирмишди.

Бундан әлавә, АБШ вә Исраил Јәмәнә гаршы давам едән мүһарибәдән әсас газанан тәрәфләрдиләр. Онлар бу зәнҝин әрәб өлкәләринә силаһ сатырлар, диҝәр тәрәфдән исә бу мүһарибәнин давам етмәси Ислам өлкәләри арасында парчаланманын давам етмәси демәкдир ки, бу да онларын мәнафејинә ујғундур.

Бунунла бағлы Јәмәнин Әнсаруллаһ Һәрәкатынын лидери Сејид Әбдүлмалик әл-Һуси вурғулајыб: “Америкалылар вә исраиллиләр Јәмән халгы кими мүсәлманларын да әсл дүшмәнләридир вә онлар үммәт арасында тәфригә вә ихтилаф јаратмаға чалышырлар."

342/