АБНА24 Хәбәр Верир, СәһәрАзәри Телевизија Каналынын ЈАХЫНДАН ТҮРКИЈӘ програмынын Скјпе-ла гонағы олан сијаси елмләр доктору, русијалы философ вә публисист, Бејнәлхалг Аврасија Һәрәкатынын лидери Александр Дугин билдириб ки, Украјна Түркијәнин стратежи шәрики олмадығындан, Русија илә Украјна арасында гаршыдурма баш верәрсә Түркијә президенти Рәҹәб Тәјјиб Әрдоған бу гаршыдурмаја нејтрал јанашаҹаг вә садәҹә сүлһүн бәргәрар олунмасына төһфә вермәјә чалышаҹаг.
“Нәзәрә алмаг лазымдыр ки, Украјна мәсәләси АБШ илә Русија арасында олан бир мәсәләдир. Русија илә Түркијә арасында даһа доғрусу Путин илә Әрдоған арасында исә бир стратежи план вар, ејни заманда Украјна һеч вахт Түркијәнин стратежи шәрики олмамышдыр она ҝөрә дә Русија илә Түркијә арасында һеч бир ҝәрҝинлик олмајаҹаг”,- дејә Александр Дугин билдириб.
Русијалы политолога ҝөрә, Бајден һөкумәти илә Түркијә арасында јашанан ҝәрҝинлик дә Түркијәнин Русијаја гаршы мөвге тутмајаҹағында башга амилләрдән биридир.
Бејнәлхалг Аврасија Һәрәкатынын лидери белә гәнаәтдәдир ки, АБШ-ын проблем Украјна дејил, бирбаша Русијанын өзүдүр вә бу Американын истәдији тәкгүтблү дүнјанын сона чатмаг үзрә олмасы илә әлагәдардыр. АБШ буна мане олмаға ҹәһд ҝөстәрир вә Русијаја гаршы тәзјигләрә дә бу мүстәвидән бахмаг лазымдыр.
Украјна илә Русија арасында тоггушмалар баш верәҹәји тәгдирдә Чинин һансы мөвге сәрҝиләјәҹәји суалыны исә Дугин белә ҹавабландырыб: “Русија вә Чин ејни гүтбләрдә јер алыр вә масанын бир тәрәфи сајылыр. Дүнја үчгүтблү истигамәтә доғру ҝедир вә Русија вә Чин бири-биринә арха чевирмәзләр вә Америка реаллыгла барышмалы олаҹаг.”
Бејнәлхалг Аврасија Һәрәкатынын лидеринә ҝөрә, Түркијәнин Украјна илә Русија арасындакы еһтимал олунан тоггушмаларда Русијаја гаршы ҹәрҝәдә јер алмајаҹағына диҝәр сәбәб Түркијәнин Аврасијадакы мөвгејидир:
“Иран вә Түркијә Аврасија хәритәсинин чох өнәмли ҹоғрафијасыны тәшкил едирләр. Мәһз буна ҝөрә дә үч гүтблү дүнјада бу ики өлкә хүсуси рола маликдирләр. Әрдоған да өлкәсинин бу потенсиалыны јахшы дәрк едир вә дүзҝүн гијмәтләндирир”,- дејә русијалы философ Александр Дугин билдириб.
342/
31 dekabr 2021 - 12:33
Xəbər kodu: 1214013
Танынмыш Русијалы политолог Профессор Доктор Александр Дугин Украјна илә Русија арасында һәрһансы тоггушмаларын баш верәҹәји тәгдириндә Түркијәнин нејтрал мөвге сәрҝиләјәҹәјини билдириб.
