АБНА24 Хәбәр Верир, Чинин хариҹи ишләр назири Ван Ји Дүшәнбәдә Шанхај Әмәкдашлыг Тәшкилаты (ШӘТ) вә КТМТ саммитләри чәрчивәсиндә Русија Федерасијасы, Иран вә Пакистан хариҹи ишләр назирләри илә дөрдтәрәфли ҝөрүшү заманы билдириб ки, Чин хаосун гаршысынын алынмасында, террорун гаршысынын алынмасында вә Әфганыстанда сүлһүн бәрпасында конструктив рол ојнамаг үчүн Русија, Иран вә Пакистанла координасијаны ҝүҹләндирмәјә һазыр олдуғуну ачыглајыб.
Онун сөзләринә ҝөрә, дөрд өлкә үнсијјәт вә координасијаны ҝүҹләндирмәли, јекдилликлә данышмалы, мүсбәт тәсир ҝөстәрмәли вә Әфганыстанда вәзијјәтин сабитләшмәсиндә конструктив рол ојнамалыдыр.
ЧХР хариҹи ишләр назири "Әфганыстанын реҝионал әмәкдашлыг ахынына интеграсијасына көмәк етмәк лазым олдуғуну" да гејд едиб. "Узун мүддәтдә Әфганыстанын потенсиалыны тәдриҹән инкишаф етдирмәсинә көмәк едә биләрик, јохсуллуғун өһдәсиндән ҝәлмәк, игтисади инкишафа наил олмаг үчүн реҝионал игтисади әмәкдашлыға интеграсија едә биләрик", - дејә о әлавә едиб.
Бу арада Иран Ислам Республикасы, Чин вә Русија хариҹи ишләр назирләри Таҹикистанда кечирилән Шанхај Әмәкдашлыг Тәшкилатынын топлантысы чәрчивәсиндә Әфганыстанла бағлы бирҝә бәјанат верибләр.
Бәјанатда Әфганыстанда бүтүн гүввәләри әһатә едән һөкумәтин тәшкилинин ваҹиб аддым олдуғу билдирилиб.
Әфганыстанын әразиләриндән диҝәр өлкәләрә гаршы тәһдидин олмамасы, террора вә наркотик маддәләрин дөвријјәсинә гаршы мүбаризәнин ваҹиблији бу бәјанатда вурғуланан әсас мәгамлар олуб.
342/
18 sentyabr 2021 - 12:27
Xəbər kodu: 1180990
Чинин хариҹи ишләр назири реҝионда әмәкдашлығын сәмәр вермәси үчүн Иран, Русија вә Пакистанын ролуну јүксәк гијмәтләндириб.
