Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Азәрбајҹан Республикасынын Президенти Илһам Әлијев Иран Ислам Республикасынын јени сечилмиш Президенти Сејид Ибраһим Рәисини тәбрик едиб.
"Һөрмәтли ҹәнаб Рәиси,
Иран Ислам Республикасынын Президенти вәзифәсинә сечилмәјиниз мүнасибәтилә Сизи сәмими-гәлбдән тәбрик едирәм.
Азәрбајҹан Республикасы тарихән дини вә мәдәни көкләрлә бағлы олдуғу Иран Ислам Республикасы илә мүнасибәтләрә хүсуси әһәмијјәт верир. Стратежи әмәкдашлыг сәвијјәсинә јүксәлмиш әлагәләримизин мөвҹуд вәзијјәти мәмнунлуг доғурур. Өлкәләримиз арасында чохсајлы гаршылыглы сәфәрләр, имзаланан сәнәдләр, һәјата кечирилән бирҝә лајиһәләр, о ҹүмләдән Дөвләт Комиссијасынын уғурлу фәалијјәти гаршылыглы мараг доғуран әмәкдашлығымызын инкишафында мүһүм рол ојнајыр.
Азәрбајҹанын әзәли, тарихи торпагларынын ишғалдан азад едилмәси илә Азәрбајҹан-Иран дөвләт сәрһәди там бәрпа едилмишдир. Бу јени вәзијјәт өлкәләримиз арасындакы икитәрәфли әлагәләрин даһа да ҝүҹләндирилмәси вә реҝионал әмәкдашлығын инкишафы бахымындан бөјүк имканлар вәд едир.
Инанырам ки, гаршылыглы һөрмәтә вә меһрибан гоншулуға әсасланан Азәрбајҹан-Иран достлуг вә әмәкдашлыг мүнасибәтләри бирҝә сәјләримизлә халгларымызын вә өлкәләримизин мәнафеләринә ујғун олараг бундан сонра да мөһкәмләнәҹәк вә ҝенишләнәҹәкдир.
Сизә мөһкәм ҹансағлығы, хошбәхтлик, дост вә гардаш Иран халгынын рифаһы наминә гаршыдакы мәсул фәалијјәтиниздә уғурлар диләјирәм.
Һөрмәтлә,
Илһам Әлијев
Азәрбајҹан Республикасынын Президенти
Бакы шәһәри, 19 ијун 2021-ҹи ил"
Диггәт: Хәбәрдән Истифадә Етдикдә Мәнбәјә Истинад Лазымдыр!
