АБНА24 Хәбәр Верир, Дүнән ҹүмә ҝүнү мајын 7-и Үмумдүнја Гүдс ҝүнү иди вә бүтүн дүнја мүсәлманлары коронавирус пандемијасыны нәзәрә алараг, Фәләстиндә бир хәрчынҝ төрәмәси олан сионист режимин тәшкилинә вә бу режимин ҹинајәтләри вә ишғалчылығына гаршы өз етиразларыны мүхтәлиф јолларла бәјан етдиләр.
Түркијәнин Хариҹи Ишләр Назирлији бир бәјанат јајарг, сионистләрин ҝүнаһсыз инсанлара гаршы һәрби һүҹумуну гејри-инсани адландырыб вә билдириб: "Исраил режими Рамазан ајында Фәләстин халгынын ибадәт азадлығыны вә Әл-Әгса мәсҹидинин мөвгејини һәдәф алыб".
Түркијә Хариҹи Ишләр Назирлији Исраил режими кабинетини ағыллы олмаға вә бу кими һадисәләрә сәбәб ола биләҹәк дүшмәнчилик вә тәхрибатчы мөвгеләрдән чәкинмәјә чағырыб.
Түркијә парламентинин сәдри Мустафа Шентоп исә Әл-Әгса мәсҹидиндә намаз гыланлара гаршы зоракылығы вә зүлмү дөвләт терроризминин бариз нүмунәси кими дәјәрләндириб вә ону гынајыб.
Түркијә Президент Администрасијасынын сөзчүсү Ибраһим Калын да бир бәјанат јајараг, бу һүҹуму гынајыб вә сионист режимин һеч бир мүгәддәс мәкана һөрмәт етмәдијини вә дәрһал Әл-Әгса мәсҹидиндән чыхарылмалы олдуғуну билдириб.
Түркијәнин һаким Әдаләт вә Инкишаф Партијасынын сөзчүсү Өмәр Челик дә мүсәлманларын зијарәтҝаһларына һөрмәтсизлији вә тәҹавүзү вә Фәләстин халгына гаршы шиддәти кәскин шәкилдә гынајыб.
Түркијә Президент Администрасијасынын Информасија Офисинин рәһбәри Фәхрәддин Алтын да мүсәлманларын мүгәддәсләринә мәнфур һүҹумун гәбуледилмәз олдуғуну сөјләјиб.
Гејд едәк ки, мүбарәк Рамазан ајынын сонунҹу ҹүмәси вә Үмумдүнја Гүдс ҝүнүндә сионист режим һәрбчиләринин Әл-Әгса мәсҹидинә сәс вә газ бомбалары илә мүшајиәт олунан һүҹумунда ән азы 205 фәләстинли јараланыб.
342/
8 may 2021 - 20:52
Xəbər kodu: 1139015
Түркијә сионист режимин дүнән ахшам Әл-Әгса мәсҹидиндә фәләстинли ибадәт едәнләрә һүҹум етмәсини кәскин шәкилдә писләјиб.
