АБНА24 Хәбәр Верир, иҹласда иштирак едән Азәрбајҹан Республикасынын Минатәмизләмә Аҝентлијинин Идарә Һејәтинин сәдри Вүгар Сүлејманов дөвләт башчысынын мүвафиг тапшырыгларыны рәһбәр тутараг Минатәмизләмә Аҝентлији тәрәфиндән апарылан ишләр барәдә әтрафлы мәлумат вериб. Иҹласда Ишчи Групун үзвү олан мүвафиг гурумларла јанашы ишғалдан азад едилмиш әразиләрдә инфраструктур лајиһәләрини һәјата кечирән “Азәрбајҹан Дәмир Јоллары” ГСҸ, “Азәрбајҹан Һава Јоллары” ГСҸ, “Азәренержи” АСҸ, “Азәришыг” АСҸ-нин рәһбәр шәхсләри иштирак едиб. Ишғалдан азад олунмуш әразиләрдә миналардан вә партламамыш сурсатлардан тәмизләмә ишләрини һәјата кечирән Азәрбајҹан Республикасынын Минатәмизләмә Аҝентлијинин, Мүдафиә Назирлијинин, Фөвгәладә Һаллар Назирлијинин нүмајәндәләри тәрәфиндән һәјата кечирилән вә планлашдырылан приоритет лајиһәләрин, о ҹүмләдән дәмир вә автомобил јолларынын тикинтиси, коммуникасија хәтләринин гурулмасы вә Фүзули һава лиманынын иншасы илә бағлы иҹра едилән минатәмизләмә әмәлијјатларынын ҝедиши барәдә әтрафлы мәлуматлар верилиб. Бу истигамәтдә ҝөрүлән ишләрин Ишчи Груп чәрчивәсиндә даима сых шәкилдә әлагәләндирилмәклә һәјата кечирилмәсинин ваҹиблији вурғуланыб.
342/
