АБНА24 Хәбәр Верир, АБШ-ын сабиг президенти Барак Обама, Пенсилванија штатынын Филаделфија шәһәриндә, нојабрын 3-дә кечириләҹәк президент сечкиләриндә демократларын намизәди Ҹо Бајдени дәстәкләмәк мәгсәдилә етдији чыхышында, АБШ-ын һазыркы Президенти Доналд Трампы тәнгид едәрәк, дејиб: Трумп мүхалифәтини тәһгир едир вә ја һәбслә һәдәләјир ки, бу да бир президент үчүн нормал давраныш дејил. АБШ-ын сабиг президенти Трампын коронавируса јолухмасына тохонуб. "О, өзүнү горумаг үчүн әсаслы аддымлар атмады вә үмумијјәтлә ҹидди јанашмаға гадир дејил", -дејә Обама әлавә едиб. АБШ, президент сечкиләри әрәфәсиндәдир вә рәј сорғулары Доналд Трамп үчүн јахшы һеч нә вәд етмир. Тәзадлы сијасәтләр, әхлагсызлыг, ҝөзләнилмәз давранышлар вә јетәрсиз идарәчилик Трампын рејтингини хејли ашағы салыб. Трампын коронавирус гаршысында зәиф ҝөстәриҹиләри вә онун фәлакәтли нәтиҹәләри, һәмчинин бу өлкәдәки сон анти-расизм аксијалары барәдә галмагаллы мөвгеји, президент сечкиләриндә асанлыгла онун мәғлубијјәтинә сәбәб ола биләр.
342/
