АБНА24 Хәбәр Верир, Ислам Ингилабы Кешикчиләри Корпусу- Сепаһ-ын һава-космос гүввәләри тәрәфиндән дүзәлдилмиш узаг мәнзили ики «Гәдир» радар системинин Иранын радар системинә әлавә олунмасы мәрасими Хатәмуләнбија(с.ә.с.) Һава Һүҹумундан Мүдафиә Гәрарҝаһынын команданы ҝенерал-мајор Сејјид Әбдуррәһим Мусәви вә Ислам Ингилабы Кешикчиләри Корпусу- Сепаһ-ын һава-космос гүввәләринин команданы бригада ҝенералы Әмир Әли Һаҹызадәнин иштиракы илә Иранын Јәзд шәһәриндә кечирилиб. Үчөлчүлү «Гәдир» радары илк дәфә 2013-ҹү илдә Сепаһ тәрәфиндән тәгдим олунуб вә индијәдәк бу типдән олан сәккиз радар системи өлкә боју гурашдырылараг, ишә салыныбдыр. "Гәдир" радары/ фырланма вә механики һәрәкәти олмајан, 360 дәрәҹәлик әһатә даирәси олан, мин километрлик бир мәсафәни әһатә едән дөрдөлчүлү формада олан чох сајда өтүрүҹү вә гәбуледиҹиләр бирләшмәсиндән ибарәт етаплы анетенна серијасыдыр. Иран Ислам Республикасы радар вә локатор системләринин тәмини саһәсиндә игтисади ҹәһәтдән мүстәгилдир вә дүнјада радар дүзәлдән 20 башлыҹа өлкә арасында онунҹу јердә дурур.
342/
