Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Азәрбајҹанын әрази тәркиби олан "Дағлыг Гарабағ" мәнтәгәсиндә Азәрбајҹан илә Ермәнистан силаһлы гүввәләри арасында ҝедән ағыр дөјүшләрлә бағлы Үмүдүнја Әһли Бејт (ә) Ассамблејасы бәјанат вериб.
Бәјанатын там мәтнин сајтымызын изләјиҹиләринә тәгдим едирик:
Бисмилләһир Рәһманир Рәһим
Дағлыг Гарабағ наһијјәсиндә јенидән мүһарибә атәшинин аловланмасы, мүлки Шиә вәтәндашларын ганларынын ахыдылмасы олдугҹа тәәссүфләндириҹи һал вә чох ағыр дәрддир.
Тарих, Азәрбајҹан Республикасынын Һакимијјәти вә Шиә Халгы чох ҝөзәл хатырладырлар ки, Иран Шиәләри өтән он илләрдә, хүсусилә дә Гарабағ мәсәләсиндә гардашлыг руһијјәси вә дини дујғуларла Азәрбајҹанлы гардашларынын кәнарында олублар. Амма сон ҝүнләр шаһид олуруг ки, фитнәкар гүввәләр ики өлкәнин Шиәләри арасында фитнә салыр, әлагәләри корламаға сәј ҝөстәрирләр. Белә олан тәгдирдә даһа ајыг олуб, ҝөзәл әлагәләрә даһа да диггәт јетирилымәлидир.
Әһли Бејт (әлејһи сәлам) севәрләрин мүстәгил бир тәшкилаты олан, Шиәләрин һүгугларынын мүдафиәчиси вә Мүсәлманларын мәсләһәтләрини нәзәрә алан, Үмүдүнја Әһли Бејт (ә) Ассамблејасы, зәрәр чәкмиш Азәрбајҹан Республикасынын Шиәләринин дәрдинә шәрик чыхыб, онлра дәстәк верир, Азәрбајҹанын әрази бүтөвлүјүнүн горунмасына тәкид едәрәк, мүһарибәни мәһкум едир вә Имам Хаменеи ҹәнабларынын мүбарәк бахышларына әсасән "Гарабағ Ислам торпагларыдыр!" ифадәсинә вурғулајыр.
Гафгаз мәнтәгәсинин һәссаслығы тәләб едир ки, бу мәнтәгәнин сабитсизлијиндән фајдаланан өлкәләрә истәмәдән фүрсәт верилмәсин. Радикал гүввәләр вә ушаг гатили олан сионист исраил режими даим сәј ҝөстәрирләр ки, Мүсәлман өлкәләриндә һүзур тапмаглары илә, мәркәзи дөвләти зәифләтсинләр. Ајыглыг ҝөстәрәрәк онларын һүзур тапмагларынын гаршысыны алмаг һәр кәсән вәзифәсидир. Бејнәлхалг тәшкилатлар гәбул етдикәри протоколлара әсасән Мүсәлман өлкәләринин әрази бүтөвлүјүнү танымағда ифа едәҹәкләри тарихи ролларында сүстлүк етмәмәлидирләр.
Үмүдүнја Әһли Бејт (ә) Ассамблејасы
10.Меһр.1399
1.Октјабр.2020
Диггәт: Хәбәрдән Истифадә Етдикдә Мәнбәјә Истинад Лазымдыр!
