АБНА24 Хәбәр Верир, Фәләстин Ислами Мүгавимәт Һәрәкаты- Һәмас-ын сијаси бүросунун сәдри Исмаил Һәнјә дүнән ҝеҹә Ливанын Әлминар телеканалы илә мүсаһибәдә Әбу-Дәби һөкмранларынын Фәләстин халгына гаршы хәјанәтинә ишарә илә дејиб: Әмирликләр сионист дүшмәнлә мүнасибәтләрин адиләшдирилмәсини әсла әсасландыра билмәз вә бу сазиш јалныз Америка президенти Доналд Трампа вә сионист режимин баш назири Бенјамин Нетанјаһуја хидмәт истигамәтиндәдир. Һәмас-ын сијаси бүросунун сәдри сөјләјиб: Фәләстинлиләр сионист режимин планлары, о сырадан диҝәр өлкәләрлә әлагәләри адиләшдирмәк, сионист гәсәбәләр салмаг вә Гәрб саһилини илһаг етмәк планлары илә мүбаризә апармаг үчүн милли стратеҝија гәбул етмәлидирләр. Исмаил Һәнјә сонра дејиб: Һәмас Гәззә илә гәрб саһили арасындакы икитирәлик вә ихтилафлара сон гојмаг, азадлыг тәшкилатыны фәаллашдырмаг вә халг мүгавимәтинин ҝүҹләндирилмәсинә әсасланан милли лајиһә ишләјиб һазырламагдадыр.
342/
