АБНА24 Хәбәр Верир, Азәрбајҹан Республикасынын Мүдафиә Назирлији билдирибдир ки, тәлимләрин бу етапында һәрби тәјјарәләр, гырыҹылар вә вертолјотлар тактики учушларла Азәрбајҹан Республикасы вә Түркијә ордуларынын гуру бөлмәләринин Нахчыван Мухтар Республикасына ҝиришләринә дәстәк верибләр. Ијулун 29-дан башланан Азәрбајҹан Республикасы-Түркијә бирҝә ҝенишмигјаслы тактики тәлимләри һәрби тәјјарәләрдән истифадә илә августун онунадәк Бакы, Нахчыван, Ҝәнҹә, Күрдәмир вә Јевлахда давам едәҹәк. Һәмчинин бу тәлимләрин Азәрбајҹан Республикасы вә Түркијә ордуларынын гуру бөлмәләринин иштиракы илә августун бешинәдәк Бакы вә Нахчыванда кечирилмәси планлашдырылыб. Азәрбајҹан Республикасы вә Түркијә гүввәләринин һәрби тәлимләри Ермәнистан вә Азәрбајҹан Республикасы гүввәләринин Товуз сәрһәд бөлҝәсиндәки һәрби дөјүшләриндән ики һәфтә сонра кечирилир. Һәмин дөјүшләрдә һәр ики тәрәф тәләфат вериб вә ики өлкәнин јашајыш массивләринә хәсарәтләр дәјибдир. Ермәнистан вә Азәрбајҹан Республикасы арасында ҝәрҝинлик вә дөјүшләрин баш вермәсинин ардынҹа Түркијә билдирибдир ки, Бакынын кәнарында дуруб вә бу өлкәјә һәр ҹүр һәрби көмәји әсирҝәмәјәҹәкдир.
342/
