АБНА24 Хәбәр Верир, Сејјед Аббас Мусәви өз твиттер һесабында Иранын Аврасија, Шәрги вә Ҹәнуби Асија ҝүҹләри илә достҹасына әлагәләр сијасәтинин узун кечмишинә ишарә илә белә гејд едиб: Чин вә Русија илә узунмүддәтли әмәкдашлыг үзрә потенсиал мүгавиләләр вә Иранын Чабаһарда Һиндистанла һәмкарлығынын давам етмәси бу сијасәтин давам етмәсиндән сөз ачыр. Иранын назирләр кабинети ијунун 21-дә Иран илә Чин арасындакы әһатәли әмәкдашлыглар үзрә 25 иллик програмын јекун мәтнини арашдырараг, гәбул етди. Иранын хариҹи ишләр назири Мәһәммәд Ҹавад Зәриф сон заманлар Русија лә 20 иллик мүгавиләнин јениләнмәсиндән хәбәр верди. Бундан әлавә, Иран хүсусән Чабаһар лиманынын ҝенишләндирилмәси саһәсиндә Һиндистанла һәмкарлыг едир вә Һиндистан-Авропа истигамәтиндә транзит имканларындан истифадәнин ардынҹадыр. Бу истигамәтдә Иран, Һиндистан вә Әфганыстан Чабаһар мүгавиләсини имзалајыблар. Һәмчинин Иранын Аврасија Игтисади Бирлијинә гатылмасы илә бир заманда, илк аддымда Иранын бу бирлијә үзв өлкәләрә ихраҹ етдији әмтәә малларынын 700 әдәдиндән чоху үчүн тәтбиг едилмиш тариф тәгрибән сәксән фаизлик азалма илә мүшајиәт олунубдур. Иранын Аврасија Игтисади Бирлији илә приоритет тиҹарәти мүгавиләси 2019-ҹу илдән иҹра олунур.
342/
