Ингилаб Рәһбәринин Иранда йайылмыш хәстәлик барәдә төвсийәләри

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи бу ҝүн Иранда ағаҹәкмә ҝүнү вә "Тәбии мәнбәләр һәфтәси" мүнасибәтилә ики әдәд мейвә фиданы әкәрәк, ағаҹ әкмәйи бәрәкәтли бир һәрәкәт адландырыб вә Иранда йайылмыш хәстәлик барәдә белә сөйләйибләр: Бундан өнҹә дә һәкимләрә, шәфгәт ишчиләринә вә мүалиҹә комплексләринә сәмими сурәтдә тәшәккүр етдийим кими, лазым билирәм бир даһа өзләринин сон дәрәҹә дәйәрли ишләри илә Аллаһ йолунда ҹиһад етмәкдә олан бу әзизләрә миннәтдарлыг едәм.

Ислам Ингилабынын Бөйүк Рәһбәри хәстәләрин сағалмалары үчүн дуа едибләр. О һәзрәт һәмчинин бу хәстәликдән вәфат едәнләр үчүн илаһи рәһмәт вә бағышланма, онларын аиләләри үчүн исә сәбир вә тәмкинлилик диләйиб вә белә әлавә едибләр: Мәсул шәхсләрин йолухманын гаршысынын алынмасы вә профилактика барәдәки төвсийәләри вә ҝөстәришләриндән кәнара чыхылмамалыдыр, зира Аллаһ-Таала бизи өзүмүзүн вә башгаларынын сағламлыглары барәдә мәсулиййәт дашымаға борҹлу едибдир.

Һәзрәт Айәтуллаһулузма Хаменеи диҝәр бир төвсийәдә һамыны Аллаһ-Таалайа сөйкәнмәйә вә диггәт йетирмәйә чағырараг, дейибләр: Әлбәттә, бу бәла о гәдәр дә бөйүк дейил вә ондан бөйүйү дә олубдур. Амма мән бөйүк бәлаларын арадан галхмасы үчүн ҝәнҹләрин вә тәгвалы шәхсләрин пак вә саф үрәкләриндән галхан дуайа чох үмид едирәм, зира Аллаһ-Тааланын дәрҝаһына сөйкәнмә вә Исламын Бөйүк Пейғәмбәриндән вә мөһтәрәм имамлардан шәфаәт тәләб етмәк бир чох проблемләри арадан ҝөтүрә биләр.

Ислам Ингилабынын Бөйүк Рәһбәри һәмчинин дүнйада бир чох өлкәнин бу хәстәликлә үзләшмәсинә ишарә едәрәк, сөйләйибләр: Бизим мәсул шәхсләримиз илк ҝүндән сафлыг, сәдагәт вә шәффафлыгла хәбәр вә халга мәлумат вердиләр. Амма бу хәстәлийин даһа шиддәтлә вә әһатәли шәкилдә йайылдығы диҝәр өлкәләр мәсәләни ҝизләдирләр. Әлбәттә, биз о хәстәләр үчүн дә Аллаһ-Тааладан сағламлыг диләйирик.

Һәзрәт Айәтуллаһулузма Хаменеи Иран халгындан бәзиләринин сәһиййә вәсаитләри пайламаг вә малиййә йардымлары ҝөстәрмәк кими бәйәниләси вә һуманитар һәрәкәтләринә тохунараг, әлавә едибләр: Бу ишләр чох йахшыдыр вә бу наилиййәтләрин горунмасы илә бәла немәтә вә тәһдид фүрсәтә чевриләҹәк вә үмид едирәм ки, әзиз Иран халгы үчүн там сағламлыг рузиҝары йахын олаҹаг.
..........
340