АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сеййед Ебраһим Рәиси бу ҝүн Украйна тәййарәсинин Теһран әтрафында гәзайа уғрамасындан вә бир груп иранлынын вә бәзи диҝәр өлкәләрин вәтәндашларынын һәлак олмаларындан тәәссүф ифадә едәрәк, Иран Ислам Республикасы Силаһлы Гүввәләринин Мәһкәмә Тәшкилатынын сәдри Шокруллаһ Бәһрамийә мәктубда билдириб: Тез бир заманда бу һадисә илә бағлы олан фактлар топлансын вә мәлуматлы мәсул шәхсләрдән изаһат истәнилмәклә бу аҹынаҹаглы һадисәнин баш вермәси амилләринин мәһкәмә реаллығынын мүәййән едилмәси барәдә аддым атылсын.
Һәмчинин Иранын баш прокурору Моһәммәд Ҹәфәр Монтәзери Теһранын һәрби прокуроруна мәктубда Украйна тәййарәси һадисәсинин сәбәб вә амилләринин ашкар едилмәсинә тәкид едиб.
Кечән чәршәнбә ҝүнү сәһәр Теһранын Имам Хомейни һава лиманы йахынлығында Украйна Һава Јолларына мәхсус бир сәрнишин тәййарәси гәзайа уғрады вә онун бүтүн сәрншинләри һәйатыны итирди.
Иран Ислам Республикасы Силаһлы Гүввәләринин Баш Гәрарҝаһы бир мәлуматда АБШ-ын президенти вә һәрби команданларынын Иран әразисиндәки һәдәфләрә гаршы һүҹума даир тәһдидләринә вә америкалы террорчуларын Иран әтрафындакы һәрби учушларынын артмасына ишарә едәрәк, билдириб: Тәййарәнин дөнмәсинә вә һәссас бир һәрби мәркәзә йахынлашмасына ҝөрә инсан сәһвинин баш вермәси Украйна тәййарәсинин һәдәфә алынмасы вә гәзайа уғрамасынын амили олубдур.
...........
340
12 yanvar 2020 - 10:52
Xəbər kodu: 1001648
Иранын Мәһкәмә Һакимиййәтинин сәдри Иран Ислам Республикасы Силаһлы Гүввәләринин Мәһкәмә Тәшкилатынын сәдринә ҝөстәришдә Украйна тәййарәсинин гәзайа уғрамасы илә бағлы мәһкәмә фәалиййәтләринә вә фактларын топланмасына тәкид едиб.
