АБНА- Әһли Бејт (әлејһимус сәлам) Хәбәр Аҝентлији: Зарија Фаҹиәсинин дөрдүнҹү ил дөнүмү мүнасибәти вә Үмүмдүнја Әһли Бејт Ассамблејасынын Ниҝерија үзрә үзви, Динләр вә Мәзһәбләр арасы јахынлашманын әсас ислаһатчысы, Ниҝерија Ислами Һәракатын Баш Катиби Һөҹҹәтүл Ислам вәл Мүслимин Шејх Ибраһим Зәкзәки ҹәнабларынын физики дурумунун бу ҝүнки ҝүнә кими ағыр вәзијјәтдә давам етмәси илә әлагәдар Үмүмдүнја Әһли Бејт (ә) Ассамблејасынын Баш Катиби Ајәтуллаһ Рза Рамазани иштиракы илә медиа конфрансы кечирилиб.
Ајәтуллаһ Р. Рамазани ҹәнаблары медиа конфрансында Шејх Зәкзәкинин ганунсуз һәбси, дәфәләрлә она, аиләсинә вә Шиәләрә гаршы инсан һаггларынын позулмасы һаггында чыхыш едәрәк, бејнәлхал инсан һагглары тәшкилатларындан өз тутдуглары вәзифәләринә әмәл етмәләрини истәмишдир.
Конфранс, АБНА- Әһли Бејт Хәбәр (әлејһи сәлам) Аҝентлијинин Дректору Һөҹҹәтүл Ислам Сејјид Һүсејни Ариф ҹәнабларынын чыхышы илә ачыг елан едилмишдир. Ҹәнаб Һ. Ариф Зарија Фаҹиәсиндә баш верән күтләви гырғына ишарә еәдәрәк билдирмишдир: "2015-ҹи илин декабр ајында Зарија шәһәриндә јерләшән "Бәгијјәтуллаһ Һүсејнијјәсинә", "Дарул-Рәһмә" вә "Шејх Зәкзәкинин мәнзилинә" едилән силаһлы һүҹумлар нәтиҹәсиндә хејли сајда халг күтләси һәлак олду, јараланды вә иткин дүшдү. Ејни заманда Шејх вә ханымы јаралы вәзијјәтдә ганунсуз һәбс едилдиләр."
Ҹәнаб Һ. Ариф билдириб: "Мөвҹуд фаҹиәдән бир ил габаг, 2014-ҹү илдә Зарија шәһәриндә Бејнәлхалг Гүдс Ҝүнү мүнасибәти иләагәдар кечирилән митингдә Шиәләрә гаршы диҝәр бир ҹинајәт төрәдилмишдир. Һәр ики һадисә заманы үмумиликдә Шејх Зәкзәкинин 6 өвлады Шәһид едилмишдир."
Үмүмдүнја Әһли Бејт (ә) Ассамблејасынын Информасија үзрә Баш Директору даһа сонра билдириб: "Бу ҝүн Зарија Фаҹиәсинин 4-ҹү ил дөнүмү мүнасибәти илә, һәмчинин Шејх Зәкзәкинин дурумунун даһа да чәтинләшдирилмәси вә вәзијјәтин она даһа да ағыр тутулмасы вә ганунсуз ев дустаглығындан зиндана көчүрүлмәси илә бағлы Ајәтуллаһ Рамазанинин һүзуру илә мәтбуат конфрансы кечирилир. Ҹәнаб Рамазанинин бәјанатындан сонра журналистләрин суаллары да ҹавабландырылаҹагдыр."
Ниҝеријанын Зарија шәһәриндә Ниҝерија режими тәрәфиндән Шиәләрин Гәтлиам едилмәсинин 4-ҹү ил дөнүмү вә Һөҹҹәтүл Ислам вәл Мүслимин Шејх Ибраһим Зәкзәкинин ганунсуз һәбс едилмәси илә бағлы Үмүмдүнја Әһли Бејт (ә) Ассамблејасынын Баш Катиби Ајәтуллаһ Рза Рамазанинин бәјанаты.
Ајәтуллаһ Рза Рамазани илк өнҹә Үмүмдүнја Әһли Бејт (ә) Ассамблејасында јени Баш Катиб үнванында ишә башламасына ишарә едәрәк дејибләр: "Үмүмдүнја Әһли Бејт (ә) Ассамблејасынын бу јени дөврүндә принсиби "Халис Исламы Дөрд Әсас Үсул олан Ағыл, Мәнәвијјәт, Әдаләт вә Мүгавимәт" јолу илә дүнјаја танытдырмагдыр."
Баш Катиб әсас ики јол олан "Әдаләт вә Мүгавимәт" үзәриндә вурғулајараг билдирмишдир: "Бәзиләри Исламы анҹаг рәһманијјәт вә мәрһәмәт бахымындан инсанлара танытдырырлар. Шүбһәсиз Ислам Дини мәрһәмәт үзәриндә гурулуб вә әзиз Ислам Пејғәмбәри дә Рәһмәтән Лилаләминдир (јәни аләмләрә рәһмәт олараг ҝөндәрилмишдир). Амма бу о демәк дејилдир ки, Ислам Пејғәмбәри һеҝемонлар гаршысында вә истикбарчылара гаршы мөвге билдирмәмишдир. Истикбарчылар вә һеҝемон гүввәләр гаршысында мөвге сәрҝиләмәк ағлын гәбул етдији вә ағыллы инсанларын тәјид етдији мәсәлә олмагла јанашы һәм дә Ислам Дининдә белә бир мөвге сәрҝиләмәјә әмр олунмушдур."
Ајәтуллаһ Рамазани Ислам Дүнјасында вәһдәтин јаранмасыны мәзһәбләр арасы јахынлашмада вә мүхтәлиф бејнәлхалг әрсәләрә аҝаһ олмагда биләрәк вурғуламышдыр: "Әһли Бејт (әлејһимус сәлам) Мәктәби дүнјада мүтләг ән ҝөзәл методла вә дүнја әдәбијјатына ујғун шәкилдә таныдылмалыдыр. Буна ҝөрә дә Үмүмдүнја Әһли Бејт (ә) Ассамблејасынын бу мәсәләјә бахышы миллијјәтчи вә ја етник бир бахыш дејилдир. Әксинә бејнәлхалг вә үмүмдүнја бир бахышдыр."
Авропа Алимләри вә Шиә теологлары Бирлијинин Сәдри Ајәтуллаһ Рза Рамазани "Бир груп инсанларда әкстәсүрат јаратмасын дејибән, бизим һәдәфимиз диҝәрләрини Мүсәлман етмәк дејил" принисбинә вурғулајараг билдирмишдирләр: "Биз, Исламын дәгиг шәкилдә, һәртәрәфли вә дәрин чатдырылмасыны истәјирик. Даһа сонра исә һәр кәс өз ихтијары илә һансы јолу сечәрсә сечмишдир."
Исламандан ики нөв дағыдыҹы анлајыш
Ајәтуллаһ Рамазани билдирибләр: "Бу ҝүнләрдә биз Исламдан ики нөв дағыдыҹы анлајышын тәблиғ олундуғунун шаһидијик, "Либерал Ислам" вә "Радикал Ислам". Бу ики гејринормал бахыш Ислама вә Ислам Иҹмаларына хејли зәрбә вурмушдур. Чүнки Либерал Исламын нәтиҹәси шәриәтдән, иҹтимаи вә фәрди һөкүмләрдән узаглашмаг, Радикал Исламын нәтиҹәси исә, зоракылығын рәваҹ верилмәси, гејри-дини вә гејри-Ислами әдәбијјатын тәблиғ олунмасыдыр."
Үмүмдүнја Әһли Бејт (ә) Ассамблејасынын Баш Катиби Ајәтуллаһ Рза Рамазани, Имам Хаменеи ҹәнабларынын Гәрб Ҹаванларына јаздығы мәктублары "Либерал Ислам" вә "Радикал Ислам" анлајышларынын зәрәрсизләшдирдикләринә ишарә едәрәк билдириб: "Гәрбли ҹаванлар әҝәр Ислам барәсиндә мүталиә етмәк әзминдәдирләрсә мүтләг әсасән сионист гүввәләрин әлиндә олан гәрб информасијасындан кәнар бир фәзада Ислам барәсиндә тәһгигат апармалыдырлар. Әҝәр Ислам барәсиндә нәзәр вермәк истәјирләрсә мүтләг шәкилдә Гурана вә Сүннәтә мүраҹиәт емәлидирләр."
Дүнјада Радикализимин Ән Бөјүк Гурбанлары Мүсәлманлардыр
Ајәтуллаһ Р. Рамазани даһа сонра 2014 вә 2015 ҹи илләрдә Ниҝеријанын Зарија шәһәриндә Шиәләрә гаршы һәјата кечирилән Гәтлиам фаҹиәсинә ишарә еәдрәк билдирмишдирләр: "Мүсәлманлар сон он илләрдә бејнәлхалг империализимин һәјата кечиртдикләри зоракылыг сијасәтләринин гурбанлары олмушлар. Белә ки, бу он илликләрдә зоракылыгларын ән бөјүк гисми Ислам Динин ардыҹыллары олумшдурлар. Дүнјанын һәр һансы бир јериндә олурса олсун истәр Мүсәлманлара истәрсә дә гејри-Мүсәлманлара гаршы горху вә фобијанын апарылмасы гәбул едилмәз вә мәһкумдур."
Зәкзәки, ислаһатчы, сүлһсевәр вә ганун тәрәфдарыдыр
Үмүмдүнја Әһли Бејт (ә) Ассамблејасынын Баш Катиби Ајәтуллаһ Рза Рамазани Шејх Зәкзәки ҹәнабларыны һәм фәрди һәм дә иҹтимаи бахымдан хүсуси бир үстүнлүкәрә малик олан шәхсијјәт кими дәјәрләндирәрәк билдирмишдир: "О, даим сүлһ вә әмин-аманлығын тәрәфдары олмушдур. О, динләр вә мәзһәбләр арасы јахынлашманы тәблиғ едән вә Мүсәлманлар арасында тәфригә салан һәр һансы бир мәсәлә илә мүхаилифәтчилик едән иди.
Шејх Зәкзәки анлашмаг үчүн диалог апарылмасынын тәрәфдары иди. О, сүлһ севәр, гануна әмәл едән вә ислаһатчы иди. Шејх Зәкзәки өзүнүн иҹтимаи фәалијјәтләриндә һәр заман ганунла һәрәкәт етмәклијә үстүнлүк верән вә Ниҝерија дөвләт ганунларына гаршы чыхмамаг иди.
Бу хүсусијјәтләри нәзәрә алараг Шејх Зәкзәкинин јаратдығы Ислами Һәракат ислаһатчы бир һәракат олараг иҹтимаијјәтин проблемләринин һәлли јолунда чалышан бир иҹмадыр. Шејх Зәкзәкинин идарә етдији бүтүн мүәссисәләр јетимләрә вә имкансызлара јардым етмәк, иҹтимаи зәрбәләрин арадан галдырылмасы илә мәшғул иди. Мәһз буна ҝөрә дә Шејх Зәкзәкинин һәм Мүсәлманлар һәм дә гејри-Мүсәлманлар арасында хејли сајда тәрәфдарлары вардыр."
Инсан һаггларыны иддиа едәнләр өзләрини ҝөрмәмәзлијә гојурлар
Үмүмдүнја Әһли Бејт (ә) Ассамблејасынын Баш Катиби Ајәтуллаһ Рза Рамазани даһа сонра дејибләр: "Бахмајараг ки, Шејх Зәкзәкинин әсас приотерти өлкә ганунлары чәрчивәсиндә хидмәт ҝөстәрмәк иди лакин онун өлкәсиндә она гаршы баш верән һадисәләр һеч бир вәҹһлә гәбул олунан дејилдир. Бу фаҹиәләр елә бир һалда баш верир ки, Бирләшмиш Милләтләр Тәшкилаты инсан һаггларынын мүдафиәсини Сәмави Китаблар илә јанашы мүгәддәс бир иш билир. Анҹаг әфсуслар олсун ки, Шејх Зәкзәки шәхсијјәтләрә гаршы сојуг јанашырлар. Бу ҹавабыны ахтардығымыз бир суалдыр.
Шејх Зәкзәки һәр бир ҹәһәтдән зәрбә алмыш вә нараһатдыр. Алты өвлады, бир баҹысы вә јүзләрлә көмәкчиси 2014 вә 2015-ҹи илләрдә Шәһид едилмишдир, өзү вә һәјат јолдашы исә өлүмҹүл һәддә јараланмышлар, һалһазырда да һәр икиси зиндан дустагларыдыр.
Һәкимләр Шејх Зәкзәкинин дурумуну олдугҹа критик дәјәрләндирирләр. 2015-ҹи илин декабр ајында һәјата кечирилән силаһлы һүҹумлардан сонра вә бунун нәтиҹәсиндә ҝүллә јаралары алан Шејх Зәкзәкинин бәдәиндә бу ҝүнә кими гәлпәләр галмагдадыр вә ҝүн-ҝүндән дә вәзијјәти ағырлашмаг үзрәдир. Онун бир ҝөзү кор едилмишдир, ганы зәһәрләнмиш вә с. проблемләрә ҝөрә тәҹили тибб јардымларына еһтијаҹы вардыр."
Ниҝерија һөкүмәти вә тәһлүкәсизлик бахышлардан пәһриз етмәјин лүзуму
Ајәтуллаһ Рза Рамазани вурғулајараг билдирибләр: "Ниҝерија һөкүмәти бу мәсәләјә тәһлүкәсизлик нәзәри илә бахмамалыдыр. Әксинә тез бир заманда ислаһатчы рәһбәрин мүалиҹәси үчүн зәмин јаратмалыдыр. Бејнәлхалг Тәшкилатлар да әҝәр сөзүн әсил мәнасында инсан һаггларынын мүдафиәси ардынҹадырларса мүтләг сүрәтдә Шејх Зәкзәкинин мүалиҹә алмасы үчүн аддымлар атмалыдырлар.
Бејнәлхалг Тәшкилатлардан ән аз ҝөзләтимиз будур ки, Шејх Зәкзәки бејнәлхалг һәкимләрин хидмәтиндән истифадә едәрәк тәдриҹән өз мүалиҹәләринә башламалыдыр."
Инсан һаггларынын мүдафиәсини иддиа едән тәшкилатлар, бу инсанын һаггларынын мүдафиәсинә галхыблар
Авропа Алимләри вә Шиә Теологлары Бирлијинин Сәдри чыхышынын сон һиссәләриндә вурғуламышдыр: "Биз Иран Ислам Һөкүмәтинин мөвгеји тәрәфиндән дејил, бир инсан кими вә инсани дәјәрләрә садиг галан бир шәхс үнванында елан едәрәк дејирик: Шејх Ибраһим Зәкзәки мүтләг инсанлар тәрәфиндән мүдафиә олунмалыдыр вә инсан һаггларынын мүдафиәсини иддиа едән Бејнәлхалг Тәшкилатлар бу шәхсин һаггларынын мүдафиәсиндә баш јердә гәрар тутмалыдырлар."
Журналистләрин суаллары вә Үмүмдүнја Әһли Бејт (ә) Ассамблејасынын Баш Катибинин ҹаваблары
Конфрансын давамында Үмүмдүнја Әһли Бејт (ә) Ассамблејасынын Баш Катиби журналистләрин суалларыны ҹавабландырмышдыр:
Иран Пресс хәбәр аҝентлијинин нүмајәндәси: Дөрд илдир Зарија Гәтлиамындан вә Шејх Зәкзәки илә һәјат јолдашынын мәһбәс һәјат јашамаглары үзәриндән өтүр анҹаг буна бахмајараг Шејх вә онун давамчылары Ниҝерија дөвләтинин тәзјигләри илә үзләшмәдәдирләр. Ислами дөвләтләрин вәзифәси бу кими олајлар гаршысында нәдир?
Ајатуллаһ Р. Рамазанинин ҹавабы: Ислам Өлкәләринин вәзифәси будур ки, бир нечә ҹәһәтдән чалышмалыдырлар ки, Шејх Зәкзәкини азад етсинләр. Бир тәрәф "Ислам Әмәкдашлығы Тәшкилаты" тәрәфидән һәјата кечмәлидир. Бу тәшкилат Ниҝерија дөвләтини Шејх Зәкзәкинин инсан һаггларына әмәл етмәсинә аҝаһ етмәлидир. Диҝәр тәрәф исә Мүсәлман өлкәләринин дөвләтләридир, онлар мүтләг Ниҝерија дөвләтиндән Шејх Зәкзәкинин саламатчылығыны тәләб етмәлидирләр. Үчүнҹү тәрәф исә ГҺТ-ләр јәни Гејри Һөкүмәт Тәшкилатларыдыр, бу тәшкилатлар шејх Зәкзәкинин сағламлығынын јенидән бәрпа олунмасы үчүн сона кими чалышмалы вә ондан һимајә етмәлидирләр.
Әлбәтдә Ниҝерија дөвләтиндә олан вә Шејх Зәкзәкинин мүалиҹә мәсәләсини тәһлүкәсизлик бахышлары илә һәјата кечирмәјән бәзи гара гүввәләри даим ҝөзләмәли вә онлардан пәһриз етмәлијик.
Меһр хәбәр аҝентлијинин нүмајәндәси: Үмүмдүнја Әһли Бејт (ә) Ассамблејасы бу ҝүнә кими Шејх Зәкзәкинин мүалиҹәси үчүн һансы аддымлары атмышдыр?
Ајәтуллаһ Р. Рамазанинин ҹавабы: Үмүмдүнја Әһли Бејт (ә) Ассамблејасы бир ГҺТ-дир. Шејх Зәкзәки башда олмагла Ислам Дүнјасынын вә Әһли Бејт (әлејһимус сәлам) Мәктәбинин ардыҹыллары арасында танынмыш шәхсијјәтләрдән тәгрибән 700 нәфәри бу Ассамблејанын үзвүдүрләр. Үмүмдүнја Әһли Бејт (ә) Ассамблејасы бу зәминдә дә мүхтәлиф аддымлар атмышдыр.
- О ҹүмләдән Шејх Зәкзәкинин вә Ниҝерија Шиәләринә гаршы едилән мүхтәлиф һүҹумлар нәтиҹәсиндә шәһид оланларын мәзлумлуғу дүнјанын 25 әһәмијјәт дашыјан дилләриндә видеоклип, фотохәбәр, мәгалә вә хәбәр формасында ҝенишмигјаслы информасија васитәләри илә дүнјаја јајымланмышдыр.
- Үмүмдүнја Әһли Бејт (ә) Ассамблејасынын Баш Мәҹлисин координасија үзвләрини әлагәләндирәрәк өз өлкәләриндә сивил вә гануни јоллар илә етираз аксијалары һәјата кечиртмәк.
- Дүнја Шиәләриндән вә Ассамблеја илә әлагәли олан, мүхтәлиф өлкәләрдә јашајанлардан бу зәминдә әлләриндән ҝәләнин әсирҝәмәмәләрини истәмәк.
- Үмүмдүнја Әһли Бејт (ә) Ассамблејасынын сабиг Баш Катибинин 2014-ҹү илдә бејнәлхалг Гүдс јүрүшүндә Шејх Зәкзәки вә онун давамчыларына гаршы едилән һүҹумлардан сонра Шејх Зәкзәки вә аиләси илә һәмдәрд олдугларыны билдирмәк мәгсәди илә Ниҝеријаја ҝетмәси.
- Шејх Зәкзәкинин вә хәсарәт аланларын чәкдикләри әзаб-әзијјәтләрә сон гојулмасы үчүн Ниҝерија президенти, үләмалар вә мүхтәлиф шәхсијјәтләр илә мәктублашмаг.
- Шејх Зәкзәкијә дәстәк вә Шәһидләрин уҹа мәгамларыны анмаг мәгсәди илә Иранын дахилиндә вә хариҹиндә мүхтәлиф мәҹлисләрин тәшкил верилмәси. Һәмчинин хәсарәт аланларын вәзијјәтинин вә сәһһәтинин јахшылашдырылмасыны тәләб етмәк.
- БМТ, Гәрб Иттифагы, инсан һаггларыны мүдафиә едән бејнәлхалг тәшкилатлара вә с. грумлара мәктуб үнванламаг...
Бүтүн бунлар Үмүмдүнја Әһли Бејт (ә) Ассамблејасынын бу зәминдә ҝөрдүкләринин бир һиссәсидир. Үмүд едирик ки, апарылаҹаг данышыглар, јазышмалар нәтиҹәсиндә јахшы нәтиҹәләрин шаһиди олаг.
ИРИБ Хәбәр Аҝентлијинин нүмајәндәси: Шејх Зәкзәкинин өзүнә гаршы әзаб-әзијјәт верилмәсиндән әлавә хәбәрләр ҝәзир ки, ону мүалиҹә едән һәким дә ишҝәнҹә вә зоракылыгла үзләшмишдир. Шејхин сон ҹисми дуруму неҹәдир? Үмумијјәтлә Шејх диридирми?
Ајәтуллаһ Р. Рамазанинин ҹавабы: Шејх Зәкзәкинин һәкиминә верилән ишҝәнҹәләрдән хәбәрим јохдур. Амма Шејхин өзү һаггында өтән ҝеҹә әлдә етдијим мәлумата ҝөрә, әлһәмдулиллаһ сағдырлар. Әлбәтдә гејд етмәлијәм ки, һәкимләр онун ҹисми дуруму илә әлагәдар һәјаҹан тәбли чалыблар. О, тез бир заманда мүалиҹә алмалыдыр. Әфсуслар олсун ки, онун мүалиҹә алмасына һәлә дә иҹазә верилмәмишдир.
ИРНА Хәбәр Аҝентлијинин нүмајәндәси: Үмүмдүнја Әһли Бејт (ә) Ассамблејасынын Шејх Зәкзәки кими диҝәр шәхсијјәтләри дә вардырмы ки, империалист өлкәләр тәрәфиндән зоракылыг вә ишҝәнҹәләр илә үзләшмиш олсунлар?
Ајәтуллаһ Р. Рамазанинин ҹавабы: Бәли вардыр. Буна мисал Бәһрејнин бөјүк алими Шејх Иса Гасим, Кувејтин нүфузлу алими Һөҹҹәтүл Ислам вәл Мүслимин Шејх Һүсејн М`әтуг вә Комор республикасынын сабиг президенти Сејјид Әһмәд Самини ҝөстәрмәк олар ки, Үмүмдүнја Әһли Бејт (ә) Ассамблејасынын үзвүдүрләр вә мүхтәлиф ишҝәнҹәләрә мәруз галырлар. Үмүмдүнја Әһли Бејт (ә) Ассамблејасы бу шәхсијјјәтләрин азадлығы наминә дә лазымы аддымлары атмышдыр.
Һөвзә Хәбәр Аҝентлијинин нүмајәндәси: Иран Ислам Республикасы вә Хариҹи Ишләр Назирлији Шејх Зәкзәкинин дурумунун јахшылашдырылмасы илә бағлы һансы аддымлары атмышдыр?
Ајәтуллаһ Рза Рамазанлнлн ҹавабы: Бу суалы Иран Хариҹи Ишләр Назирлијиндә ишләјән достлардан сорушмалысыныз. Анҹаг мәним әлдә етдијим мәлумата ҝөрә, сон ајларда Иран Хариҹи Ишләр Назирлији Ниҝерија дөвләти илә бир сыра әлагәләр јарадараг бу өлкәјә сәфәр етмәк үчүн бәзи ишләр ҝөрүбләр. Үмүд едирик Шејх Зәкзәкинин мүалиҹә олмасы үчүн апарылан данышыглар нәтиҹә версин.
Фарс Хәбәр Аҝентлијинин нүмајәндәси: Үмүмдүнја Әһли Бејт (ә) Ассамблејасы дүнјадакы Ислам Шәхисјјәтләри үчүн хүсуси илә дә тәкфирчи гүввәләрин чохлуг тәшкил етдикләри өлкәләрдә олан шәхсијјәтләр үчүн һәр һансыса бир аддым атмағы дүшүнүрмү?
Ајәтуллаһ Р. Рамазанлнлн ҹавабы: Екстримист ҹәрәјанлар империалист гүввәләрин ҝизли мүдиријјәт системи илә идарә олунурлар. Бунун мүгабилиндә бизләр ајыг-сајыг олмалы вә зијалылыг етмәлијик. Исламы олдуғу кими тәмиз сүрәтдә инсанлара танытдырмалыјыг. Ислам Дүнјасынын вәһдәти вә мәзһәбләр арасы јахынлашма мәсәләсинә даһа чох диггәт ајырмалыјыг. Бу ишләр Үмүмдүнја Әһли Бејт (ә) Ассамблејасы вә саир дахили вә хариҹи гурмлар тәрәфиндән һәјата кечирилир. Әҝәр Ислам Дүнјасынын сијаси, иҹтимаи вә мәдәнијјәт потенсиаллары бир араја топлашарса шүбһәсиз дүшмән нүфузунун гаршысы алынаҹагдыр. Лакин сүлтәҝәр өлкәләрин ҝизли мүдиријјәтинә нәзәр салсаг бу иш мүмкүн дејилдир. Бизим диҝәр өлкәләр илә сијаси әлагәләримиз јохдур. Амма Мүсәлманларын аҝаһлығы вә ајыглығы һәддиндә ҹидди зәһмәтләр чәкмишик, үмүд едирик ки, ҝәләҹәк ҝүнләрдә даһа чох аддымларын атылмасынын шаһиди олаг. Тәбидир ки, бүтүн бу һадисәләри габагҹадан тәхмин вурмаг тәкҹә Үмүмдүнја Әһли Бејт (ә) Ассамблејасынын вәзифәси дејилдир. Лакин биз дүнјадакы бүтүн Әһли Бејт (әлејһимус сәлам) давамчыларына бу ишин һәјата кечмәси үчүн лазымы төвсијјәләр веририк.
Диггәт: Хәбәрдән истифадә етдикдә мәнбәјә истинад лазымдыр!