АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын пайтахты Теһран шәһәринин Әлламә Тәбатәбаи (р.ә) университетинин елми һейәтинин үзвү вә Италийалы Исламшүнас алим Раффаеле Мауриелло ИГНА илә мүсаһибәсиндә ӘРБӘИН зийарәти мәрасимини вә бу мәрасимдәки пийада йүрүшү сүлһ өйрәдән бир феномен, инсанлары бирләшдирән, һәмрәй едән бир амил, һәйаты дин вә мәнәвиййата халисанә һәср етмәк симовлу вә фөвгәл-мәзһәб бир аддым адландырыб.
Теһран шәһәринин Әлламә Тәбатәбаи (р.ә) университетинин елми һейәтинин үзвү Авропалыларын ӘРБӘИН мәрасими илә танышлығы тарихинә ишарә едәрәк деди: Бундан өнҹә, йәни Сәддамын диктаторлуғу дөврүндә Авропалылар Ираг барәдә айдын тәсәввүрә малик дейилдиләр, онларын бу мөһтәшәм әзадарлылары барәдә мәлуматлары йох иди, амма Американын Ирага һүҹумундан сонра шиәләр мәзһәби айинләринин иҹрасында азадлыг әлдә етдиләр вә тәдриҹлә онларын дини мәрасимләри, хүсуси илә дә Ашура вә ӘРБӘИН әзадарлыглары Авропа медиаларында гисмән ишыгландырылды.
О әлавә етди: Әлбәттә Авропалылар даһа чох елә тәсәввүр едирдиләр ки, бу мәрасимдә тәкҹә Ираг шиәләри иштирак едирләр. ӘРБӘИН мәрасиминин бейнәлхалхг бир айин олдуғундан вә бу йүрүшүн үмдә бир гисминин гейри-Ираглылар тәрәфиндән тәшкил едилдийиндән чохларынын мәлуматы йохдур.
Әлламә Тәбатәбаи (р.ә) университетинин елми һейәтинин үзвү вә Италийалы Исламшүнас алим Раффаеле Мауриелло гейри-мүсәлманларын бу мәрасим барәдә йанашма, тәсәввүр вә һисләринә ишарә едәрәк деди: Фикримҹә ӘРБӘИН йүрүшү мәдәни бахымдан чох рәнҝарәнҝдир. Мәсиһиләр (христианлар) кечмиш заманларда груп һалында зийарәтләрә ҝедибләр. Буна ҝөрә дә ӘРБӘИН зийарәти кими һадисәләр Авропа христианлары үчүн таныш вә дәрк едилән бир мәсәләдир. Әлбәттә ӘРБӘИН йүрүшүнү баш динләрдәки һеч бир зийарәт илә мүгайисә етмәк олмаз. Бу мәрасимдә зәвварларын сай чохлуғу вә зийарәтин гүсурсуз идарә едилмәси инсаны һейрәтләндирир.
Авропалыларын ӘРБӘИН мәрасиминә бахышыны вә бу мәрасимин мүхтәлиф йөнләрини ачыглайан алим вурғулады: ӘРБӘИН мәрасими барәдә даһа чох арашдырма апарылмалы вә медиада даһа чох ишыгландырылмалыдыр ки, бу ишин мәнәви ҹазибәдарлығы гейри-мүсәлманлар үчүн даһа чох айдын олсун. Биз ики илдир ки, Иран вә Ирагда бейнәлхалг ӘРБӘИН конфрансы тәшкил едирик. Ҝәләҹәкдә бу конфрансы Авропа университетләринин һәмкарлығы илә Авропа өлкәләриндә кечирмәк ниййәтиндәйик.
ӘРБӘИН мәрасиминин Авропалылар үчүн ҹазибәдарлыгларындан данышан алим әлавә етди: ӘРБӘИН мәрасими һәм мәнәви бахымдан вә һәм дә физики бахымдан ҹазибәлидир. Милйонларла инсанын узун бир мәсафәни гәт едәрәк Имам Һүсейни (ә) зийарәт етмәси вә бу зийарәт йолларында ҝөстәрилән халисанә фәдакарлыглар бу феномени һәм физики вә һәм дә мәнәви бахымдан чох ҹазибәдар едир.
Инсанлар ӘРБӘИН мәрасиминдә өз ҝүндәлик ишләрини вә маддиййаты бир кәнара гойурлар, һәйатларыны динә вә мәнәвиййата вәгф едирләр. Бу кими ишләр Христинлыгда да хүсуси әһәмиййәт кәсб едир вә мәсиһиләр бу мәсәләни йахшы дәрк едирләр. Буна ҝөрә дә биз бу мәрасимдә христианларын да иштирак етдийинин шаһиди олуруг.
О сонда вурғулады: Мәним фикримҹә ӘРБӘИН мәрасиминин бейнәлхалг ҹәмиййәтә танытдырылмасы үчүн даһа чох чалышмаг вә арашдырма апармаг лазымдыр, чүнки бу мәрасим дүнйайа танытыдырылмасы зәрури олан бир феномендир.
..........
340