АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, 2019-ҹу илин октйабр айынын 4-дән 20-дәк Әрбәин йүрүшүндә Имам Һусейнин (ә) Кәрбәлада зийарәт етмәк үчүн бу шәһәрә дахил олан зәвварларын сайы 21 милйон олуб.
Бу барәдә Кәрбәла шәһәринин йерли тәһлүкәсизлик, сәрһәд вә мүдафиә хидмәтләринин тәгдим етдийи ән сон һесабатда билдирилир ки, бу мүддәт әрзиндә Әрбәин йүрүшүндә Ирагын 500-дән чох шәһәр вә кәндиндән 17 милйон нәфәр иштирак едиб.
Мәлумата ҝөрә, йүрүшдә 70-дән чох өлкәдән 4 милйон нәфәр иштирак едиб. Белә ки, йүрүшдә иштирак едән хариҹи өлкә вәтәндашларындан 3 милйон нәфәрдән чоху иранлы, йарым милйон пакистанлы, вә йарым милйон диҝәр өлкә вәтәндашлары о ҹүмләдән Азәрбайҹан, Һиндистан, Түркийә, Әфганыстан, Ливан, Кувейт, Бәһрейн, Сәудиййә Әрәбистаны, АБШ, бәзи Авропа өлкәләри вә диҝәр өлкәләрдән олуб.
Ҹари илдә рәсми мәлумата ҝөрә, Әрбәин йүрүшү мәрасиминдә дүнйанын 21 өлкәси тәрәфиндән 10 мин 700 мокиб вә хидмәт групу фәалиййәт ҝөстәриб. Бу рәгәм йалныз гейдиййата алынан мокибләрин сайыдыр. Ирагын мүхәтлиф бөлҝәләриндә евләрдә вә йолларда Имам Һүсейн (ә) зәвварларына хидмәт ҝөстәрән кичик вә бөйүк хидмәт груплары, мәсҹид вә һүсейниййәләрин сайы исә 100 мини кечиб.
Гейд едәк ки, бундан өнҹә Имам Һүсейнин (ә) мүгәддәс һәрәми Әрбәин ҝүнү илә әлагәдар 15 милйон 229 мин 955 зәвварын Кәрбәла шәһәринә ҝәлдийини ачыгламышды.
..........
340