АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһанинин бу ҝүн Ирагын президенти Бәрһәм Салиһә вә баш назири Адил Әбдулмәһдийә үнванладығы мүраҹиәтиндә дейилир: Азадлыг вә азадәлик севәнләрин вә вилайәт ашигләринин милйонлуг вә мисилсиз иштиракы илә кечирилән бөйүк вә мөһтәшәм Һүсейн(ә) Әрбәини йүрүшүндә бир даһа өлмәз вә йаддагалан гәһрәманлыг ҝөстәрилди вә Ашуранын ҹомәрдлик вә азадәлик мүраҹиәти бүтүн дүнйа халгларына чатдырылды.
Руһани әлавә едиб: Һүсейн(ә) Әрбәини топлантысы даһа габарыг шәкилдә ҝөстәрди ки, Әрбәин тәкҹә бир тәгвим мүнасибәти дейил, һәм дә өлмәз тарихи бир мөҹүзә, Ашура Гийамы вә Һүсейн Мәдәниййәтинин тәгдим олунмасы үчүн ән ҝүҹлү медиадыр.
Иран Ислам Республикасынын президенти билдириб ки, бәрәкәтләрлә долу олан бу бейнәлхалг топлантынын һәр ил даһа ҝениш ҹәһәтләри үзә чыхыр.
О, дейиб: Һүсейн(ә) Әрбәини топлантысы зоракылыг, айры-сечкилик вә зүлмә гаршы ваһид бир ҹәбһәнин тәшкили, һәмчинин Ираг вә Иран халглары арасында рисаләт вә вилайәт тәрәфдарларынын сәмими йахынлығы, бирлийи вә һәмрәйлийинин тәзаһүрүдүр.
Бу ил Һүсейн(ә) Әрбәини йүрүшүндә иштирак етмәк үчүн Ирандан үч милйондан чох зәввар Ислам мүгәддәсләринин зийарәтинә ҝетди.
Мүгәддәс Һәзрәт Әббас(ә) Мәркәзинин билдирдийинә ҝөрә, Әрбәин зәвварларынын сайы бу ил 15 милйон нәфәрдән чох олубдур.
...........
340