Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Пластик бутулкалара јығылан сујун сағламлыға зијан вурдуғу иддиа олунур.
Беларусдан олан мүтәхәссисләр бунунла бағлы арашдырма апарыблар. Алимләр һесаб едир ки, пластик габлара јығылан суда организм үчүн чох тәһлүкәли кимјәви елементләр мејдана ҝәлир.
Тәхминән 1500 нәфәрин иштиракы илә апарылан тәдгигатлар заманы пластик бутулкаларда олан судан истифадә едән шәхсләрин сидији анализ олунуб. Мәлум олуб ки, онларын тәхминән 95%-нин сидијиндә организм үчүн зијанлы олан бисфенол бирләшмәләри вар.
Пластик габда олан судан истифадә етмәкдән имтина едәнләрин сидијиндәки кимјәви маддәләрин сәвијјәси јалныз дөрд ҝүндән сонра азалыб.
Алимләр һесаб едир ки, пластик габлара јығылан су инсан сағламлығына чохлу сајда зәрәр вурур. Бу сырада баш ағрысы, үрәк хәстәликләри вә пијләнмә проблемләри вурғуланыб.
Диггәт: Хәбәрдән истифадә етдикдә мәнбәјә истинад лазымдыр