Әһли Бејт (әлејһимус-сәлам) - АБНА – Хәбәр Аҝентлији:
Имам Заман аға (ә.ф) бујурур: “Мән, вәсиләрин хатәмијәм. Аллаһ мәнә ҝөрә бәланы әһлимдән вә давамчыларымдан дәф едәр”.
Шејх Сәдуг вә Шејх Туси бу һәдиси Әбу Нәсрдән нәгл етмишдиләр. Әбу Нәср дејир: “О заман ки, Һәзрәтин (ә.ф) хадими олдум, бујурду: “Мәни таныјырсанмы?”.
Дедим: “Бәли”.
Бујурду: “Мән кимәм?”.
Дедим: “Сән мәним ағам вә мәним ағамын өвладысан”.
Һәзрәт (ә.ф) бујурду: “Мән сәндән бу суалы сорушмадым”.
Дедим: “Аллаһ мәни сәнә фәда етсин, һалыны мәним үчүн изаһ ет!”.
Һәзрәт (ә.ф) бујурду: “Мән, вәсиләрин хатәмијәм. Аллаһ мәнә ҝөрә бәланы әһлимдән вә давамчыларымдан дәф едәр”.
Бу һәдиси шәрһ едән заман ики еһтимал јаранмышдыр.
1. Һәзрәт (ә.ф) – вәсиләрин хатәмидир. Имамәт онун мүбарәк варлығы илә сона чатмышдыр. Ола билсин ки, вәси дејән заман Имам (ә.ф), Һәзрәт Адәмдән (ә) башлајан рисаләти нәзәрдә тутсун. Ола билсин ки, Имам Әли (ә) илә башлајан имамәтин хәтм олмасыны нәзәрдә тутсун.
2. Имамын (ә.ф) давамчылары тарих боју чох сајда бәла вә чәтинликлә үзләшмишдиләр. Имам (ә.ф) да бу һәдисдә бујурур ки, мәним варлығыма ҝөрә Аллаһ бу бәланы давамчыларымдан дәф едәҹәкдир. Еһтимал верилир ки, Имам (ә.ф) бу бујурушунда зүһур дөврүнү нәзәрдә тутур.
О заман ки, Имам Заман аға (ә.ф) Шејх Муфид илә ҝөрүшүр она бујурур: “Биз, сизә рәһбәрлик етмәкдә сәһләнкарлыг етмәмишик вә сизи унутмамышыг. О заманда да ки, сизә мүсибәтләр үз верир, дүшмәнләр көкләринизи кәсмәјә чалышыр”.
Бир еһтимал вардыр ки, Имам (ә.ф) бу кәламында зүһур дөврүнә ишарә етмишдир ки, онун зүһуру илә давамчылары чәтинлик вә мүсибәт чәкмәкләринә бахмајараг, Аллаһ онлара ниҹат верәҹәк вә дүшмәнләрини мәһв едәҹәкдир.
Һәмчининбукәламынгејбзаманынааидолмасыеһтималыдаверилир.
Һәр бир һалда Имам (ә.ф) - вәсиләрин хатәмидир вә о, бизим чәкдијимиз чәтинлик вә мүсибәтләрдән аҝаһдыр. Аллаһ онун мүбарәк варлығына ҝөрә бизләри бир чох бәлалардан горумуш вә горумагдадыр.
Аллаһ Тәала Имамын (ә.ф) фәрәҹини тезләшдирсин ки, бүтүн бу чәтинликләр архада галсын вә дүшмәнләрин неҹә мәғлуб олмасыны биз дә өз ҝөзләримизлә мүшаһидә едә биләк.
Диггәт: Хәбәрдән истифадә етдикдә мәнбәјә истинад лазымдыр