Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ијулун 16-сы минләрлә ниҝеријалы өлкәдә Әһли-Бејт (ә) ардыҹылларынын рәһбәри Шејх Ибраһим Зәкзәкијә азадлыг тәләбилә пајтахт Абуҹада нөвбәти митингләрини кечириб.
Ниҝерија әсҝәрләринин 2015-ҹи ил 12 декабр тарихиндә Заријадакы Бәгијјәтуллаһ һүсејнијјәсинә һүҹум едәрәк, рәсми рәгәмләрә ҝөрә, 2000 Әһли-Бејт (ә) ардыҹылыны өлдүрдүјү һүҹумда бир ниҝеријалы әсҝәрин дә өлдүјү иддиа олунур.
Ниҝеријалы Әһли-Бејт (ә) ардыҹылларынын күтләви шәкилдә өлдүрүлмәси үчүн һеч бир әсҝәр ҹинајәт мәсулијјәтинә ҹәлб олунмамасына бахмајараг, Кадуна һөкумәти, Шејх Зәкзәкини әсҝәрин өлүмүнә ҝөрә мүһакимә едир.
Ниҝерија Әһли-Бејт (ә) ардыҹылларынын рәһбәри вә ханымына гаршы Кадуна Федерал Али Мәһкәмәсиндә 8 иттиһам ирәли сүрүлүб вә мәһкәмәнин нөвбәти иҹласынын августун 2-дә давам етмәси ҝөзләнилир.
Ијулун 16-сы күчәјә чыхан минләрлә ниҝеријалы Әһли-Бејт (ә) ардыҹылы тәһлүкәсизлик гүввәләри тәрәфиндән өлдүрүлән тәрәфдарларынын шәкилләрини галдырыблар.
Әввәлки етираз аксијаларына полис сәрт мүдахилә етсә дә, дүнән кечирилән митинг динҹ шәраитдә вә һеч бир мүдахилә олмадан давам етмишди.
Диггәт: Хәбәрдән истифадә етдикдә мәнбәјә истинад лазымдыр