Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ниҝерија Ислам Һәракатынын Лидери Шејх Зәкзәки ҹәнаблары бујурублар: "Сәудијјә Әрәбистаны Инҝилтәрә вә АБШ-ын бир-баша вердиләри ҝөстәришинә әсасән Ниҝерија Ордусуна мадди јардым ҝөстәрәрәк 2015-ҹи илдә Зарија Фаҹиәсини, Шиә Сојгырымыны һәјата кечиртдиләр."
О, бу ачыгламаны оғлу илә телефон данышыгларында сөјләјиб.
Ниҝерија Ислам Һәракатынын Лидери даһа сонра Ниҝерија режиминин онун Азадлығы мүгабилиндә гаршысына гојдуғу шәртләри рәдд едәрәк дејиб: "Тәһлүкәсизлик хидмәт органларынын забитләри илә мүзакирә апармағын һеч бир фајдасы јохдур."
"Ахы неҹә онларла мүзакирә апараг, бир һалдаки бизим һеч бир сөз вә тәклифләримиз онлар үчүн әһәмијјәтли дејилдир"- дејә Шејх Зәкзәки ҹәнаблары дејибләр.
Шејх Зәкзәки сон сөзүнү белә вурғулајыб: "40 ил бундан өнҹә тәблиғ метотум неҹә идисә елә инди дә һәмин метотдур."
Гејд едәк ки, Шејх Зәкзәки тәһлүкәсизлик гүввәләри забитләринин она һансы шәртләр тәклиф етдикләринә ишарә етмәјиб.
Диггәт: Хәбәрдән истифадә етдикдә мәнбәјә истинад лазымдыр