Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, чинли ҝәнҹ Чуан Јанк Иран Ислам Республикасынын Мәшһәд шәһәриндә Имам Рзанын (әлејһи сәлам) мүтәһһәр һәрәминдә кәлимеји-шәһадәт ҝәтирәрәк, Ислам динини гәбул едиб вә Шиә мәзһәбинә дхаил олуб.
Мәлумата ҝөрә, чинли ҝәнҹ Астан Неwс-а мүсаһибәсиндә Ислам динини неҹә гәбул етмәсиндән данышыб: “Мән Тјантсзин шәһәриндә мүсәлманларын сых јашадығы бир рајонда јашајырам. Бурада јашадығым үчүн мүсәлманларла даһа сых әлагдә олмушам. Мүсәлманларын һәјат тәрзи вә инанҹлары мәним чох марағыма сәбәб олмушду”.
Чуан Јанк Ислам дининин ҹәззабијјәтинин ону бу динә тәрәф чәкдијини дејиб: “Үмид едирәм ки, биз Ислам дини барәдә чохлу мәлуматлар мәнимсәјә вә бу мәлуматларын ҝениш јајылмасына төһфә верә биләрик”.
Чин Дөвләт Университетиндә мемарлыг үзрә тәһсил алмыш чинли ҝәнҹ, Имам Рзанын (ә) һәрәмини ҝәзәркән бурадакы мемарлыг инҹиләринә баханда бөјүк зөвг алдығыны билдириб: “Бир динә саһибәм вә Ислам дининин сәмави кәламларыны өјрәнмәјә һәвәслијәм. Умид едирәм ки, вахт вә гаршыдакы чалышмаларын мәлуматларымын даһа да дәринләшмәсинә көмәк олаҹаг”.
Имам Рзанын (ә) мүтәһһәр һәрәминдә кечирилән хүсуси мәрасимдә чинли ҝәнҹ Чуан Јанка бир сыра мәнәви дәјәрли һәдијјәләр верилиб.
Диггәт: Хәбәрдән истифадә етдикдә мәнбәјә истинад лазымдыр