Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ил 10-а јахын Русија иҹтимаи-сијаси хадими Кәрбәлада шәһид олмуш Имам Һүсејн (ә) вә 72 тәрәфдарынын јад едилмәси мүнасибәтилә кечирилән Әрбәин јүрүшүндә иштирак етмишләр. Онлардан бири дә танынмыш Русија сијасәтчиси Вјачеслав Матузовдур.
Вјачеслав Матузов 1941-ҹи илдә анадан олмушдур. Москва Дөвләт Бејнәлхалг Мүнасибәтләр Институтуну битирмишдир. Узун илләр ССРИ вә РФ-ин АБШ-дакы сәфирлијинин мүшавири, РФ-ин Ливандакы сәфирлијинин биринҹи катиби ишләмишдир. Русијанын Әрәб Өлкәләри илә Достлуг вә Ишҝүзар Әмәкдашлыг Ҹәмијјәтинин президенти, Ливија вә Сурија Халглары илә Һәмрәјлик Комитәсинин үзвүдүр.
Сијасәтчи аврасија.инфо сајтына бунлары демишдир: “Демонстрантларын сајы 20 милјону кечирди. Бу издиһамлы јүрүш инсаны риггәтә ҝәтирирди. Јүрүш мөһтәшәм тәшкил олунмушду, инсанларын комфорту үчүн чох шеј едилмишди. Әрбәин јүрүшү шәхсән мәни сарсытды вә һејран гојду”.
Вјачеслав Матузов Әрбәин јүрүшүнә гатылма сәбәби кими өзүнүн шиәлијә мүнасибәтини ҝөстәрмишдир: “О мөвгедән чыхыш едирәм ки, американлар вә исраиллиләр шиәлијә гаршы сијаси интригалар апармагдадырлар. Бу ҝүн онларын Јахын Шәргдәки әсас фәалијјәти шиәлијә гаршы јөнәлмишдир. Сәудијјә Әрәбистаныны Иран, Сурија вә Ливанла тоггушдурмаг истәјирләр. 11 сентјабрдан сонра американлар Ислам дүнјасыны мәһв етмәк үчүн ИШИД-и јаратдылар. Амма шиәләрин әзми сајәсиндә американлар Сурија вә Ирагда мәғлуб олдулар”.
Сијасәтчи Һизбуллаһ тәшкилаты барәдә дә мараглы фикирләр дилә ҝәтирмишдир: “Һизбуллаһ- Ливанда легал, танынмыш сијаси партија вә һәрәкатдыр. Мән һәлә 80-ҹи илләрдән ҝөзәл билирәм ки, бу тәшкилат 1982-ҹи илдә Исраилин Ливана ишғалчы тәҹавүзү нәтиҹәсиндә мејдана чыхды. Исраиллиләр вә американларын Һизбуллаһа “террор тәшкилаты” јарлыкы јапышдырмаг ҹәһдләринин һеч бир әсасы јохдур”.
Матузов аврасија.инфо сајтына билдирмишдир ки, Әрбәиндә өлкәмизин бајрағы илә иштирак едән Азәрбајҹан гадынлары илә растлашмыш вә онларла хејли сөһбәт етмишдир. Јүрүшдә иштирак едән инсанларын Русија һаггында јүксәк фикирләри Матузову севиндирмишдир.
Диггәт: Хәбәрдән истифадә етдикдә мәнбәјә истинад лазымдыр