Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ниҝеријада Әһли-Бејт (ә) ардыҹылларынын рәһбәри Шејх Ибраһим Зәкзәкинин азад едилмәси вә роһингијалы мүсәлманлара гаршы зүлмүн дајандырылмасы тәләбилә халг јенидән күчәләрә ахышыб.
Ниҝерија Ислам Һәрәкатынын тәшкилатчылығы илә Заријада кечирилән јүрүш митингләриндә иштирак едән минләрлә ниҝеријалы Федерал Али Мәһкәмәнин Шејх Зәкзәки вә ханымы барәдә чыхардығы гәрарынын һөкумәт тәрәфиндән һәлә дә иҹра едилмәмәсини гынајыблар.
Нүмајишчиләр әлләриндә Шејх Зәкзәкинин шәкилләрини дашыјараг, Шејх Зәкзәки вә ханымы Зинәт Ибраһим илә һәбсдә олан бүтүн ИМН фәалларынын дәрһал вә гејд шәртсиз азадлыға бурахылмасыны тәләб едибләр. Митинг иштиракчылары, һәмчинин Мјанма режиминин Аракан мүсәлманларына гаршы гәтлиамыны гынајыблар вә бејнәлхалг иҹтимаијјәтдән бу ҹинајәтләр гаршысында сүкут етмәји дајандырмасыны тәләб едибләр.
Диггәт: Хәбәрдән истифадә етдикдә мәнбәјә истинад лазымдыр