Әһли Беjт (әлеjһимус-сәлам) - АБНА – Хәбәр Аҝентлиjинин вердиjи хәбәрә әсасән, Ниҝериjа Ислами Һәрәкатынын jүксәк сәлаһиjjәтли рәсмиләриндән бири Сәудиjjә режиминин бу өлкәjә Шеjх Зәкзәкинин азад едилмәмәси үчүн тәзjиг етдиjини ачыглаjыб.
Бу һагда Шеjх Зәкзәкинин сон вәзиjjәтинә даир мәлумат алмаг үчүн Ниҝериjа Ислам Һәрәкатынын jүксәк сәлаһиjjәтли рәсмиси Адәм Суһо Меһрнеwс-а мүсаһибә вериб. Мүсаһибәдә верилән суаллар вә алынан ҹаваблара ашағыдакы кимидир:
- Шеjх Зәкзәки илә һәjат jолдашынын сон вәзиjjәти һаггында бизә даһа әтрафлы мәлуматлар верә биләрсиниз?
- Ниҝериjа Али Мәһкәмәсинин һәбсдән азад олунмасы илә бағлы вердиjи гәрара бахмаjараг, һөкумәт Шеjхин азадлыға бурахылмасына мане олур. 2 ил әввәлки һүҹумда сол ҝөзүнү итирән Шеjхин сағ ҝөзү дә ҝөрмә габилиjjәтини итирмәк үзрәдир. Шеjхин һәjат jолдашынын да сәһһәти jахшы деjил, чүнки һүҹумда она дәjмиш ҝүллә һәлә дә бәдәниндән чыхарылмаjыб.
- Ниҝериjа Ислами Һәрәкаты jаjдығы бәjанатда, Шеjхин бу өлкәнин әсҝәрләри тәрәфиндән террор едилдиjини ачыгламышды. Бу мәсәләни неҹә гиjмәтләндирирсиниз?
- Бу бәjанатын Ислами Һәрәкат илә һеч бир әлагәси jохдур вә бу ҹүр тәшәббүсләрлә һөкумәт тәрәфиндән бизә тәзjиг едилмәсинә сәj едилир. Бу бәjанаты ачыг ашкар тәкзиб едирик, амма еjни заманда Шеjх Зәкзәкиjә гаршы тәхрибат едилдиjинә даир хәбәрдарлыг да етмәк истәjирәм.
- Беjнәлхалг иҹтимаиjjәтин Шеjх Зәкзәкинин вәзиjjәти һаггында сәрҝиләдиjи сүкут мөвгеjини неҹә шәрһ едирсиниз? Иранын бу мәсәләjә реаксиjасы һаггында нә дүшүнүрсүнүз?
- Биз бүтүн беjнәлхалг ҹәмиjjәтдән Ниҝериjа һөкумәтинә Шеjхи азад етмәси үчүн тәзjиг етмәсини тәләб едирик. Иран едә биләҹәjи гәдәр бу мәсәләдә сәj ҝөстәрир. Иран сүкут етмәди, анҹаг бу өлкәнин мәһкәмә һакимиjjәти Шеjх Зәкзәки илә Ниҝериjа шиәләринин ишләрини БМТ-дә галдырараг, глобал мигjасда арашдырылмасы имканына маликдир.
- Сәудиjjә Әрәбистаны илә Ниҝериjа һөкумәти арасында һәр һансы бир әлагә вармы?
- Ниҝериjа президенти Сәудиjjә режими илә АБШ-ын мараглары истигамәтиндә һәрәкәт едир. Она ҝөрә дә, Сәудиjjә режими онлара Шеjхи азад етмәмәләри үчүн тәзjиг ҝөстәрир. Бунлара әлавә олараг, Сәудиjjә режими Ниҝериjа ордусуна мадди дәстәк верир.
- Шеjх Зәкзәки илә Ниҝериjа Ислам Һәрәкатынын Фәләстин мәсәләси вә сон вахтлар шаһиди олдуғумуз Әл-Әгса мәсҹиди блокадасына гаршы мөвгеjи нәдир?
- Фәләстин мәсәләси Шеjх Зәкзәки илә Ислами Һәрәкат үчүн чох мүһүмдүр вә бу истигамәтдә дә һәр ил Гүдс ҝүнүндә минләрлә Ислам Һәрәкаты үзвү нүмаjиш кечирәрәк, Фәләстинә дәстәк верир.
Диггәт: Хәбәрдән истифадә етдикдә мәнбәjә истинад лазымдыр