Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ниҝерија режими тәрәфиндән һәбсдә сахланылан Ниҝерија Ислами Һәрәкатын рәһбәри Шејх Ибраһим Зәкзәки вә онун һәјат јолдашы Зинәт ханым шәнбә ҝүнү пајтахты Абуҹада намәлум истигамәтә көчүрүлүб.
Мәлумата ҝөрә, Шејх Зәкзәкинин һәјатына суи-гәсд (террор) тәһлүкәси олдуғу үчүн бу аддым атылыб.
Гејд едәк ки, декабрын әввәлиндә 1 ил һеч бир иттиһам ирәли сүрүлмәдән һәбсдә сахланылан Ниҝерија Ислами Һәрәкатын рәһбәри вә бу өлкәнин Әһли-Бејт (ә) ардыҹылларынын лидери Шејх Ибраһим Зәкзакинин барәсиндә Ниҝерија Федерал Али Мәһкмәси гәрар чыхармыш вә онун 45 ҝүн әрзиндә сәрбәст бурахылмасыны тәләб етмишди.
Даһа сонра Ниҝерија һөкумәт рәсмиләри тәхрибата әл атараг мәһкәмәнин гәрары илә тез бир заманда һәбсдән азад етмәли олдуглары Шејх Зәкзакинин мүһакимә олунаҹағыны ачыглајыблар. Кадуна рәсмиләри елан едиб ки, Шејх Зәкзаки өтән 30 ил әрзиндә Ниҝерија Ислами Һәрәкатынын (ИМН) "ганунсуз” фәалијјәтинә ҝөрә мүһакимә олунмалыдыр.
Һөкумәт Шејх Зәкзаки вә онун башчылыг етдији һәрәкаты "әҹнәби ҝүҹләрә бағлылыгда” ҝүнаһландырыб. Беләликлә Ниҝеријада Әһли-Бејт (ә) ардыҹылларынын рәһбәри Шејх Ибраһим Зәкзәкинин баш катиби олдуғу Ниҝерија Ислам Һәрәкаты (ИМН) ганунсуз елан олунуб.
Өтән илдән индијәдәк Ниҝеријанын мүхтәлиф шәһәрләриндә Әһли-Бејт (ә) тәрәфдарлары дәфәләрлә динҹ етираз аксијалары кечирәрәк Ниҝерија Ислами Һәракатынын рәһбәри Шејх Зәкзаки вә диҝәр мәһбусларын азадлыға бурахылмасыны тәләб едибләр.
Диггәт: Хәбәрдән истифадә етдикдә мәнбәјә истинад лазымдыр