Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, сионист режим, АБШ вә Сәудијјә режиминдән бир баша ҝөстәриш алан Ниҝерија анти-Шиә режими өлкәдә јашајан минләрлә Шиәнин Әрбәин јүрүшләринә һазырлыг апардыглары заман ҝүнаһсыз вә әли силаһсыз Әһли Бејт (әлејһумус сәлам) Мәктәбинин ардыҹылларына одлу силаһлардан атәш ачыб.
Мәлуматымыза ҝөрә, ачылан атәш нәтиҹәсиндә 10 ҝүнаһсыз Шиә шәһид олараг Имамлары һәзрәт Һүсејн ибн Әлинин (әлејһимәс сәлам) Ешг Гафиләсинә говушублар.
Һал шаһидләриндән бири билдириб ки, орду тәдбирләрин кечириләҹәји мәкана ҝедән јолу кәсиб. Канодаја топлашмаға ҝедән гадын вә ушагларын да ичиндә олдуғу инсан дәстәсинә орду гүввәләри залымҹасына атәш ачараг, ҝөз јашардыҹы газлардан истифадә едибләр. Һал шаһиди даһа сонра әлавә едиб ки, јердә ҹансыз һалда јатан 15 нәфәрин ҹәсәдин ҝөрүб.
Хатырладаг ки, Ниҝерија Ислами Һәрәкаты кечән илки һадисәләр заманы бөјүк иткиләр вермишди. Јүзләрлә инсан шәһид олмуш вә Шејх Зәк-Заки һәбс едилмишди. Кечән һәфтә һәрәкатын сөзҹүләри Ниҝерија ордусунун нојабрын 20-си баш тутаҹаг Әрбәин јүрүшләринә һүҹум едәҹәји информасијасыны алдыгларыны билдирмишдиләр. Бундан әлавә Лондондан Инсан Һүгуглары үзрә Комиссија да Ниҝерија президенти Мәһәммәд Буһаринин бу проссесләрә мүдахилә етмәмәјә чағырмышды.
Диггәт: Хәбәрдән истифадә етдикдә мәнбәјә истинад лазымдыр